醬缸韓國料理 (已結業)

假期前夕OT完同個同事撐檯脚，就去咗公司附近嘅醬缸韓國料理。都係第1次食醬缸嘅晚餐，入到去已經見到好似oppa招呼同埋有幾多外國人，韓國人都有幾檯。因為同同事兩個都唔係好肚餓，所以只叫了簡簡單單嘅泡菜炒飯同埋蔘雞湯。泡菜炒飯先嚟到，看似簡單只是泡菜炒飯加隻煎熟蛋同碎紫菜，但食落口真係覺得好香好好味，跟飯嘅紫菜湯同樣地簡單但又好味，最後嚟到蔘雞湯，叫了嘅係半隻雞，裏面一樣係有人蔘，飯同埋葱，食落唔止雞幾滑，飯唔會太淋同埋啖湯好清甜，食完餐飯真係大滿足😆😆