影片
更多
2022-08-29
75 瀏覽
一早就約定左食鐵板燒，仲諗住打風會影響到我哋嘅計劃，同餐廳confirm咗就算掛風球佢哋都照開，唔想浪費咗一早準備好嘅食材，所以照去！餐廳嘅位置唔算大，鐵板位容納到六個人，仲有兩張四人枱。我哋揀咗兩款唔同嘅set ~ 咁就可以試多啲唔同嘅嘢。一坐低，健談嘅店員就奉上青檸仔花旗蔘茶，話係用嚟幫助解膩消滯。十八層海膽杯Set (一人前）$1388 + ◾️火焰海膽甲羅燒Set (一人前）$888◾️十八層海膽杯Set ▪️明太子薯仔沙律｜三文魚子帶子豆腐首先嚟嘅就係沙律同埋前菜。薯仔沙律清新開胃，軟滑嘅豆腐加上炙燒過嘅帶子，仲有微辣嘅醬汁同埋三文魚子，口感同味道都好有層次。▪️十八層海膽杯打卡able！用透明玻璃杯裝住唔同嘅食材，首先食咗面頭嘅海膽吞拿魚蓉，然後可以倒出嚟，入邊有三文魚籽、帆立貝、松葉蟹鮑魚等等，全部都非常鮮甜，打卡之餘亦都創意十足。▪️龍蝦｜鰻魚｜原隻蟶子皇加$150 要活龍蝦🦞，一蝦兩食。睇師傅拆龍蝦嘅功架都值回票價，龍蝦拆肉之後用海膽醬同芝士焗最後再用火槍令到芝士燒成半溶。另一款就用返龍蝦頭嘅膏同埋餐廳自家製嘅海膽醬加埋牛油炒成。龍蝦肉爽口彈牙，加埋兩份醬汁非常惹味。鰻魚用鐵板
我哋揀咗兩款唔同嘅set ~ 咁就可以試多啲唔同嘅嘢。一坐低，健談嘅店員就奉上青檸仔花旗蔘茶，話係用嚟幫助解膩消滯。
十八層海膽杯Set (一人前）$1388 + ◾️火焰海膽甲羅燒Set (一人前）$888◾️十八層海膽杯Set
▪️明太子薯仔沙律｜三文魚子帶子豆腐
首先嚟嘅就係沙律同埋前菜。薯仔沙律清新開胃，軟滑嘅豆腐加上炙燒過嘅帶子，仲有微辣嘅醬汁同埋三文魚子，口感同味道都好有層次。
▪️十八層海膽杯打卡able！用透明玻璃杯裝住唔同嘅食材，首先食咗面頭嘅海膽吞拿魚蓉，然後可以倒出嚟，入邊有三文魚籽、帆立貝、松葉蟹鮑魚等等，全部都非常鮮甜，打卡之餘亦都創意十足。
▪️龍蝦｜鰻魚｜原隻蟶子皇加$150 要活龍蝦🦞，一蝦兩食。睇師傅拆龍蝦嘅功架都值回票價，龍蝦拆肉之後用海膽醬同芝士焗最後再用火槍令到芝士燒成半溶。另一款就用返龍蝦頭嘅膏同埋餐廳自家製嘅海膽醬加埋牛油炒成。龍蝦肉爽口彈牙，加埋兩份醬汁非常惹味。
鰻魚用鐵板壓住燒，外皮脆到不得了，魚肉依然保持到嫩滑。
爽口嘅蟶子王，用上煙肉同埋櫻花蝦做調味。
▪️A5威士忌和牛厚燒（岩手縣）和牛外脆內軟，用海膽豉油吊一吊味，已經食得出牛肉嘅油脂香。
◾️火焰海膽甲羅燒Set ▪櫻花蝦玉子、沙葛沙律
鹹香嘅櫻花蝦帶出玉子嘅香甜。沙葛沙律係用咗柚子汁，酸酸地開胃沙律。▪火焰海膽甲羅燒
比平時食到嘅多咗海膽，入邊仲有洋蔥去增加口感同吊味。店員首先提大家拍片同埋影相，再用火燒將包住甲羅燒嘅牛油紙，食嘅時候會聞到焦香嘅味道。
▪原隻斑馬瀨尿蝦師傅話靈感係來自中式嘅椒鹽賴尿蝦，除咗個殼之外全部部份都食得，師傅會先拆肉，然後將個瀨尿蝦腳位用鐵板壓平。感覺有啲似食緊瀨尿蝦乾，瀨尿蝦嘅肉質亦都非常彈牙
▪荔枝豚肉卷期間限定，因為荔枝當做所以就有呢個菜式！荔枝將豚肉嘅油膩感消除。
兩個SET 都係配燒野菜｜蘭王蛋椰菜花炒飯｜特色紙包花膠羊肚菌蜆湯｜自家製海膽雪糕嘅▪️燒野菜 - 師傅用唔同嘅醬料配搭野味，最得意嘅就係棉花糖蕃薯仔。
▪️蘭王蛋椰菜花炒飯 - 椰菜花配上白食嚟炒，口感特別，煎蛋用上蘭王蛋，可以將半熟嘅蛋黃撈落啲飯都食😋
▪️特色紙包花膠羊肚菌蜆湯 - 比較似中式湯，清甜。入邊仲有花膠同埋唔同嘅菇類。
▪️自家製海膽雪糕 - 餐廳嘅得意創作料理，估唔到海膽都可以做雪糕，味道仲唔錯
張貼
