段純貞牛肉麵 (Tower 535) (已結業)

星期日，兩個女仔去銅鑼灣食Lunch，第一次試段純貞 老火鍋腱心牛肉麵（手工麵，走蔥走芽菜）$94有三大塊牛腱，索哂麻辣湯底非常入味。麵底可選擇手工麵或細麵，手工麵比一般刀削麵更粗，所以更有口感同掛湯。可惜麵量唔算多，女仔食都大概七分飽，而且湯底比較濃味同油膩，唔係太啱清淡口味同注重健康人士。 閨蜜烏龍茶（少甜少冰） $32即係蜜桃烏龍茶，叫少甜後甜度啱啱好，有少少桃肉有加分。不過啲果肉比較細粒，加上唔算好大杯，CP值一般。 整體：可能餐廳較新，星期日中午時段都唔係太多客人，唔使排隊。出餐好快，五分鐘就有得食。不過佢無Set lunch，飲品要單點就比較唔化算。銅鑼灣餐廳選擇多，所以未必會再訪。