瑞士餐廳 (已結業)

諗起對上一次食芝士火鍋，已經係10年前了。近排睇到廣告，心思思唻試下。呢間店幾大，環境舒適，配樂都幾夾，但都不是重點。我同朋友叫咗瑞士芝士火鍋，只係配面包粒，其他配料另計。於是叫咗蘑菇，西蘭花，帶子，煎雞肉。主角芝士淡淡地，帶濃苦酒味，感覺冇咁膩。朋友話芝士幾純，但份量很少，如果鍾意濃味芝士嘅朋友就唔岩喇。帶子$88得3粒，仲要細細粒，真係好唔抵，唔怪得侍應話要叫主食啦，因為唔夠食喎。之後叫咗一份豬鞍配菠蘿，有驚喜嘅係塊扒幾有肉味，而且燒得岩岩好，都幾juicy.. 除咗燒過嘅菠蘿，仲有塊煎薯餅，係薯粒黏埋加芝士焗嘅。雖然食嘢有時係貴精不貴多嘅，但咁嘅價錢，真係少咗啲囉。加埋一，二人埋單$900。下次試第二間。