會所1號 尖東薈 (已結業)

呢排都係帶媽食西餐多，好似好耐無飲茶，知道呢度新開景又靚就帶佢黎試下。🍴香菇燒賣 $49肉味夠鮮、夠滑，蝦夠爽口，平時唔太鐘意食燒賣既媽媽都話好味。🍴雲南雜菌餃 $29皮晶瑩剔透，夠彈牙，包住好多雜菌，一啖咬落菇味濃郁，個人幾鐘意。🍴香煎蘿蔔糕 $39只要無臘肉既蘿蔔糕我就會加分，一黎無甘油，二黎食到更重既蘿蔔味，唔錯。🍴XO帶子炒腸粉 $60分量比相像中少，辣度、味道剛好，可惜腸粉在唔夠滑，同過油。整體食物價錢偏貴，勝在環境靚，食物質素不俗。