會所1號 尖東薈 (已結業)

在過去兩星期，跟閨蜜分別享用了意式和日式下午茶，今個星期，來番個傳統，嘆番一個中國茶！貪其交通便利，我們選擇了尖沙咀會所1號的尖東薈，來一個點心放題。點心數目繁多，當下令人有選擇困難，我們先來了一個椰盅灌湯餃和雞腳豬肺湯。跟着，我們便開始揀選點心和小食，分別點了菠蘿生炒骨、鮑魚酥、黃金豆、干炒牛河、雲耳、雞絲粉皮、拍青瓜、辣豬手、白菜餃、奶皇色、雪山义燒包，帶子炒蛋等等，種類太多，實在未能盡錄。二百多元的價錢，點心和小食任食，還有加上開掦無敵影觀，乜都抵番曬啦！

新年前後，總有大大小小的飲宴要出席。以前，有一個飲食 blogger 界的活動，基本上我一定會出席。不過，近些年，因為家中添了新成員及轉了新職，已有好幾年沒有出席了。今個新年，女兒長大了，又請了姐姐幫手，再者，新的工作亦穩定了，可以輕鬆地去 happy 一下。於是這一個年度，我就決定浦頭，來到尖東的《Club One》，出席《教父團年2019》，見下老朋友。很多朋友都好耐冇見了，半吃半 social 的我，忙過不停。不過，時正8點，總是要吃的，大會宣佈開席了，大家都乖乖地坐回原位，等待我們的鴻運脆皮乳豬。肉薄皮脆的乳豬，又是另一種的好味道，點一點甜醬，脆口香口惹味。另一道菜是翡翠燒汁花枝盞，整碟的賣相令人看起來感覺到有心思。黃芽白擺得很精美，令本來是配角的東西轉成大家的視覺第一位。花枝，即是魷魚，配上了燒汁之後，味道更香口，更吸引大家去多吃幾件。百花釀蟹鉗是典型的席宴主菜，香口，蟹的鮮味濃郁就是一份合格的炸蟹鉗。這是一個老少咸宜的菜式，任何年紀的人，在飲宴中見到這東西，都會搶著吃。蠔皇金錢扒花膠，是一個真真正正帶點貴氣的菜式。花腸發得及煮得剛剛好，入口煙韌帶爽，配上蠔油同冬菇，令花膠帶

今晚出席中學同學既婚宴，佢哋揀左clubone尖東薈擺酒，事前已經感覺呢間公司既婚宴好一般，點知試過食物之後原來真係 。。首先第一道菜乳豬已經好失望，完全見唔到肉，剩係得肥膏，而且外皮好難咬開，食咗少少已經唔想食之後嘅大蝦唔算太過彈牙，感覺一般，但係蔡太過大舊，冇好好剪開俾人食。。。仲有就係花膠同鮑魚都係屬於普通貨色，花膠好腍，不過唔重花膠味，而鮑魚都冇乜咬口，應該係平價嘅貨色整體上真係好失望，冇諗過去婚宴食嘅嘢會係咁嘅質素。。。。

香港其一最受歡迎既婚禮場地ClubOne, 每日中午12點開始都有點心、炒粉麵等等提供...今日放假, 就相約朋友去飲餐茶嘆返個下午茶。ClubOne對比一般中式酒樓不同之處就係場地非常華麗, 除了提供幾款傳統點心, 例如蝦餃、燒賣、鳳爪, 仲會有多款fusion小食, 滿足到傳統朋友, 同時亦滿足新一代既後生仔女。入座後先送上前菜:【春風得意脆竹卷】HK$55 (原價)可算是炸兩升級版, 腸粉皮卷住鬆脆炸皮, 炸皮中有爽口鮮甜蝦粒同埋雜菜粒, 口感層次豐富, 淋上豉油, 味道更加昇華~ 很喜歡入口一咬, 中心位既鬆化口感, 正!【日式軟殼蟹】HK$60 (原價)軟殼蟹炸後表面不油膩, 口感鬆脆, 點少少甜酸醬, 酸酸甜甜, 很開胃既一個小食【臘味糯米飯】HK$128糯米飯質感帶少許濕潤, 花生放於一旁, 唔會混入糯米飯中而令花生變林; 糯米飯帶少少黏性, 而唔係一pat pat冷飯質地, 混入左蝦米、臘肉粒, 香口得黎又不失口感層次。原價價錢稍為有點偏貴, 成為會員價錢比較合理, 服務招呼周到, 係咁靚既場地嘆茶, 真係唔係間間酒樓都提供到!

「會所一號 ClubONE」在港有多間分店，主打飲宴酒席。位於尖東的「尖東薈」是其中一間，內部的裝潢洋溢歐洲小鎮的風格，格局鋪排亦是對準酒席宴會生意。 我們午市到訪當然不是為了喝喜酒，純粹為了吃一頓家常便飯。當然，寬敞舒適的用餐環境小編幾時都歡迎。 席間試了多款點心，原隻鮮蝦腸、椒鹽魷魚鬚及鮑汁炆雞腳皆是不錯的選擇。原隻鮮蝦腸雖然腸粉皮不算薄，但鮮蝦足料爽彈仍見吸引力。炸品椒鹽魷魚鬚外層酥脆，魷魚鬚軟硬適中，加上搶香的椒鹽，少吃滋味。鮑汁炆雞腳炆煮得夠火喉，入味香軟。 黑脆白奶皇包也可試試，不過記緊要新鮮熱食，否則外皮失脆奶皇變稠，美味程度將會快速下降。 共餘共享的點心還有沙律明蝦角、香煎蘿蔔糕、鮮茄濃湯鮮竹卷等等。水準持平。 在店員介紹下，多試了一道以美極紅湯醬烹調的菌皇川汁牛小柳。説實話，以個別調味料作主題而製作出一系列菜式的做法比較少有。論效果，牛小柳軟嫩足味，本質已佳，配搭合適的醬汁當然有錦上添花的效果。除牛小柳外，菜式亦加入了軟糯的年糕片。因年糕咀嚼需時，醬汁能待在口腔的時間也會相應增長。如菜式的賣點是醬汁的話，這也是一個好安排。 最後多點一客星洲貴刁作主食，比預期少了一

安達中心開左ClubONE，一直都以為只係俾人結婚擺酒 同事同我講，中午有得飲茶~即刻要去試試啦~ ClubONE 位於安達中心地庫，見到扶手電梯落去就啱架啦~ 因為係婚宴埸所關係，一入門口已經見到呢個咁靚的三輪車 即刻感覺好甜蜜蜜~XD 每一個角落係靚靚背景，搞到我都想影番幾張靚相 仲有個大大銀幕可以播放新人的結婚片段~ 大廳非常開闊，樓底好高，今日剛巧有宴席，我地就去左另一個廳 呢個廳細D，但係好清靜，好適合傾計飲茶~ 唯一係燈光有少少暗 (相片較光左少少)，有d想瞓覺~XD 十蚊的茶芥成盤上，非常精緻 雲南什菌餃，外皮晶瑩通透，入面的什菌豐富多樣，每款都切得大小一樣 而且味道好清新~ 皮薄餡靚當之無愧~ 飲茶，當然要食個飽啦~ 叉燒飽，飽皮鬆軟 上枱時熱辣辣~ 經理介紹最近主打的小菜，賣相唔錯，叫左個牛試試~ 菌皇川汁牛小柳 牛柳非常的淋，但淋得黎又有咬口，仲要係大大舊，有睇頭~ 川汁有少少辣，濃穠適中，掛在肉上又唔會濕笠笠 最驚喜係那塊白色薄片，原來係年糕黎，煙煙韌韌好有咬口~ 同川汁仲非常夾添~ 點菜時見到呢個肉絲兩面黃，馬上要點 呢個兩面黃唔係度度

今天在酒樓午膳，這家酒樓位於地庫，作為婚宴場所，所以在裝潢上特別有心思。沿著樓梯往下走，映入眼簾是一片雪白，米黃色的雲石，雪白色書櫃，還有液晶體立體圖書播放影片，整體感覺溫馨得體。餐廳裡面貫徹白色佈置，從白色的桌布至天花牆壁，感覺一致，舞台上還有以花和綠葉堆砌的佈景，環境不錯。午市有二人和四人套餐，價錢也很合理。由於份量多，可惜小女子的食量不大，所以最後決定單點。⭐️綠野禪蔬賣相很精緻，有節瓜、木耳、洋蔥等，顏色繽紛，多種蔬菜混合，清新健康。⭐️排骨陳村粉陳村粉比河粉煙韌一些，很爽口。排骨醃得很夠味，蒸完後肉質滲在陳村粉上，令陳村粉更香更可口。⭐️瑤柱蒸蘿蔔糕小小一碗蒸蘿蔔糕，口感軟軟糯糯的，夾雜著瑤柱和蘿蔔粒，層次多變，口感軟滑綿細。⭐️蔥花蝦米腸蝦米腸質感滑溜，米腸夾著蔥花口感不單調，只要沾一沾醬油就很夠味。▪️環境乾淨，菜式設計精緻，有機會再來試試其他點心。

去Club One飲宴比較多，倒是第一次來飲茶。和男友到尖東薈地庫這家Club One，位置寬敞舒適，點心和小菜的選擇也不少。 茶位($12/位)以及芥菜($10/1-4位)，點心價錢比一般酒樓較為貴，但水準中上，而且又會員卡的話，更有七折。 選擇了兩款精選貼心，雪嶺奇脆叉燒包(3件)和懷舊魚翅鮫。 雪嶺奇脆叉燒包，又是我最喜歡的脆皮外層，內饀啖啖叉燒肉，一鹹一甜這配搭十分滿意。 懷舊魚翅餃粒粒飽滿，彈牙可口。 經理向我們特別推介街邊風味蒸腸粉，腸粉香滑，點上甜醬、芝蔴醬和豉油更為惹味。 西施海皇泡飯非常特別，食吃的時候放上金黃脆米增加口感層次，而且海鮮湯味道濃郁鮮甜，加上不同海鮮配料份外名貴，值得一試。

ClubONE是本地知名的婚宴連鎖店，擺酒方面最為著名， 今天與朋友來尖東薈分店參觀，順便飲茶試試點心…  我是超級喜歡吃鳳爪的人，只有酒樓有鳳爪我就一定會點。 鳳爪入口很酥軟即化又不會油膩，一定趁熱吃。 少有點心啦，依家好少酒樓仲有得吃魚翅餃了!! 透明的肉皮內餡料有蝦肉、魚翅、紅蘿蔔令人驚喜，口感豐富，不可不嘗~~ 叉燒包酥皮鬆化，吃起來外脆內軟，一口咬下去是咀嚼感十足的叉燒，入口十分滿足，是我最愛點心之一。牛柳夠大件，河粉炒得入味又滑溜，雖然有油脂，但鍋氣帶來的滿足感，怕肥也想吃多兩口… 炒河分量又足，味道是不錯，配上辣椒醬吃更美味…

位於尖沙咀麼地道65號安達中心地庫的Club one 尖東薈，午市提供精緻點心及小食，環境十分舒適。Club one尖東薈的環境優雅，空調足夠，播著柔和的音樂。白色椅套後有著一個漂亮的蝴蝶結，場地主要用了白色作為主色。在等候食物來到的時候，吃著脆脆鹹香的原粒花生，和開胃的酸子薑，中間的是辣度頗強勁的辣椒醬。在點餐紙上劃好食物後，食物約十分鐘便送到了。靜待十分鐘後，讓茶焗好，鐵觀音的味道回甘解膩。首先來到的是街邊風味蒸腸粉，侍應還會特地奉上竹簽，感覺更有風味。腸粉的份量頗足，二至三個人吃也夠。而且腸粉的口感軟軟綿綿的，頗為惹味。如果甜醬的份量能略為輕少許，便更好了。下一味為芝心蝦長春卷，用膳當天有不少客人也有點這款點心。長春卷用一個玻璃盛載著，賣相吸引。咬一半熱騰騰的春卷，中間的餡料主要是鹹香又軟綿綿的芝士和蝦仁粒。外皮脆得有聲，配著裡面軟軟的芝士，絕配也。雪嶺奇脆叉燒包，表面是白雪雪的曲奇，好像一個個小山丘，造型可愛。咬一口，裡面是味道微甜的叉燒餡，選用了較為優質的叉燒粒，不會有太多肥肉。最後點了一客懷舊點心鵪鶉蛋燒賣，一粒粒燒賣的造型頗為精緻。鵪鶉蛋蒸得剛熟，口感幼滑，不會太老。下面

**留意下呢間野啲其它食評, 照片風格全部一個款**之前食過兩次Club One, 一次中午茶市石門, 水準ok, 地方ok; 第二次就係康怡果間晚飯, 非常一般, 地方一般, 價錢唔平.講返今次去人婚宴呢餐, 的確係慘不忍睹, 事後我經已同好多人分享先知道原來都係極差評, 仲衰過之前皇廷集團, 如果Club One經營者睇到呢篇野, 您係有心長做嘅就唔該你改善, 咁做法唔會長久大家明咩事.果晚簽完名坐低, 望下周圍見到地板用飯堂地磚, 牆身清一色牆紙, 椅係飯堂鐵通櫈套椅套, 成件事係一個攝影佈景棚, 用燈光搭救嘅, 同啲相兩回事.食物水準方面係重點, 每圍十二位:第一道乳豬全體係室溫, 九成肥膏第二道雜菌炒蝦球, 分餸蝦球每位兩隻, 分到第十二碟得一隻, 有人無耐地食少啲, 呢碟餸味道可以, 同埋係微熱嘅第三道炸蟹鉗, 真係就咁放12隻炸蟹鉗(加細碼)響個大碟度乜裝飾都冇, 不過係熱嘅, 接受第四道冬菇瑤柱碎瓜脯, 連玉環瑤柱都唔比, 呢味野係茶餐廳貨色真係cheap到一個點, 不過微熱同夠十二隻冬菇, 算啦好肚餓, 接受第五道海皇竹笙羹, 開始黎料, 分左八碗已見底, 然後要響果

《ClubONE 尖東薈》📍尖沙咀麼地道65號安達中心地庫B/2——————————————————🔹香菇燒賣 $49🔸有菇都幾香 肉質都幾實🔹豉汁蒸鳳爪 $29🔸味道岩岩好 唔會過咸 仲有d花生tim🔹咖哩魷魚 $39 🔸咖哩唔辣但幾香 魷魚幾好唔會韌🔹蒜蓉蝦春卷 $49🔸不錯 幾脆身🔹八味豆腐粒 $49🔸外脆內軟 係真係幾好味 細細粒咁又方便食🔹黑松露海鮮蛋白炒飯 $138🔸幾特別 炒飯粒粒分明 唔油 海鮮夠多 黑松露味淡淡地但幾夾 幾得意幾好味👍🏻 份量極多 夠4個人食🔹咖啡蛋撻仔 $39🔸好香咖啡味 曲奇皮幾好味 熱辣辣新鮮焗起🔹茶 每位$12🔹芥 1-4位 $10——————————————————💬環境同服務一流 酒店嘅質素 但價錢都真係有點貴 有d款式都幾特別 可以一試 但普通茶樓有嘅野就真係偏貴 係好味嘅不過另外我見會員有7折 同埋有套餐會平d 4人餐都係400幾蚊——————————————————ByT: 8/10instagram: 90sfoodieshare #食在尖沙咀#clubone#中菜

同朋友出左尖沙咀行街，攰攰地就去飲下茶，黎左會所一號，貪佢地方大又寧靜，朋友話佢之前黎過環境正喎，最啱傾偈咁話用具簡潔乾淨茶($12/位)&芥($10)一坐低就梗係開茶先啦，開左壺普洱，茶味幾滑又夠濃，沖左好幾壺都仲好夠味，不是那種只有顏色沒有味道的茶葉，黎飲茶壺茶真係好重要呀！另外仲會附上酸薑，花生同辣醬，開下胃咁囉。雲南雜菌餃($29)餡料滿滿的雜菌飯散發著香香的菇味，外皮煙韌有咬口，菇鮮味幾好食喎。蠔皇叉燒包($19)叉燒包鬆軟餡料多，甜甜地ok啦。排骨陳村粉($49)排骨半肥瘦醃得入味，陳村粉滑，點少少豉油勁正。荷葉珍珠雞($39)珍珠雞內裏包著切粒的雞肉同鹹蛋黃，一點都不肥膩，而且醬汁杰身沒有領到飯變得糊口，加上吸了荷葉香好味喎。咖啡蛋撻仔($39)食完鹹點又點了兩款甜品，微溫的蛋撻仔注入咖啡味的蛋漿，牛油派皮又香又鬆化，咖啡味香香的好正。雪嶺奇脆紫薯包($19)哈哈，唔知道寫“一”係真係得一個，咁就梗係獨食啦，外脆內軟又重紫薯味，內邊包著紫薯蓉，意外地不甜呢原來三點落場，我地坐到成為最後一枱，哈哈，獨霸成個廳

華麗優雅的裝潢下舉辦婚宴，讓新人儼如公主與王子般，明亮燈光高樓底突顯空間感十足，拍照位不只限於舞台位，新人如果想取景拍照，行幾步就有。 鴻運脆皮乳豬 原隻乳豬奉上，烤得未至均勻赤紅，微脆的豬皮底下白色脂肪薄如紙，醃得到位，入口沒有半分油膩感，蘸些乳豬醬更添美味。 鮮蝦海皇卷 金黃色的外衣裹著鮮蝦與雜果沙律，論形狀應該是人手捲製，大小不一似乎不是出自同一位廚師吧！配上沙律醬來吃，酸甜並重，更添滋味。 清蒸海石斑 魚質鮮美，蒸得剛好，用薑、蔥絲點綴辟腥味，不少得蒸魚醬油，才將嫩滑的魚肉發揮到極致。 海皇燴竹笙 這個廷有水準的海皇燴竹笙，濃稠適中，有著鮮甜的海鮮味，竹笙吸收了海鮮湯的精華，爽脆滋補，用來取代《魚翅》也不失大體。 蠔皇扣原隻鮑魚 濃郁的蠔油汁充斥著整個鮑魚，味鮮而不膩， 彈牙的鮑魚，吃得沒有任何難度。 脆皮吊燒雞 傳統婚宴總會有的吊燒雞，相差只是取其名稱不同，說明是脆皮，就連我平常不吃雞皮，總要嚐一口，幸好雞不算肥，皮下的油脂未致滿口油膩，脆皮嫩肉，吃著鹹香的雞肉更為滋味。 砂鍋雞絲飯和蟹籽炆伊麵 吃到尾聲，總離不開飯和麵這類飽肚食物，用上砂鍋盛飯，可以保持到飯的一定溫度，飯

呢排都係帶媽食西餐多，好似好耐無飲茶，知道呢度新開景又靚就帶佢黎試下。🍴香菇燒賣 $49肉味夠鮮、夠滑，蝦夠爽口，平時唔太鐘意食燒賣既媽媽都話好味。🍴雲南雜菌餃 $29皮晶瑩剔透，夠彈牙，包住好多雜菌，一啖咬落菇味濃郁，個人幾鐘意。🍴香煎蘿蔔糕 $39只要無臘肉既蘿蔔糕我就會加分，一黎無甘油，二黎食到更重既蘿蔔味，唔錯。🍴XO帶子炒腸粉 $60分量比相像中少，辣度、味道剛好，可惜腸粉在唔夠滑，同過油。整體食物價錢偏貴，勝在環境靚，食物質素不俗。