影片
更多
2019-08-15
1444 瀏覽
最近香港環境太多負能量，所以星期六諗住出外面食一下，放鬆一下心情。本來揾緊大角咀一間大排檔，點知搵錯咗搵左呢間原來發現喺旺角，還好都比較近。去到落車基本上都係泊係街邊，冇乜所謂因為都係一條比較偏僻嘅路，同埋店內夥計可以幫手睇住架車，不過有一個問題就係落車後傳來一陣死老鼠味，已經先扣分。之前定位已經訂咗一鍋杏汁白肺湯，所以睇完餐牌加多幾個餸就已經可以落單。夥計服務其實尚算熱情，非常幫手，完全唔係嗰啲大排檔叔叔或姐姐嘅態度。先上白肺湯，由於靚女幫手安排，所以冇特別影相，湯渣都冇乜特別。講返個湯，杏汁味道可以，不過個人覺得湯底太重味精，材料算係豐富，白肺亦充足，不過當然比起其他出邊嘅質素可能還有點距離。之後就到油浸筍殼魚，炸得非常之脆口，而且份量十足，味道鮮味也非常好，絕對沒有重口味之嫌。某程度上這已經是整頓飯的highlight。啫啫通菜煲冇乜嘢特別，主要係味道偏鹹，菜係新鮮的。呢道菜叫做超級多菜譜蜆肉炒蛋，由於太想食所以食到一半先至記得影相。不過想食到一半發現原來而家已經冇做蜆肉，所以係沒有通知我們的情況下換咗做蝦仁仔。其實味道唔錯嘅，送飯一流。不過對於要將啲蜆滅門嘅阿辣妹，表示有點失望
之前定位已經訂咗一鍋杏汁白肺湯，所以睇完餐牌加多幾個餸就已經可以落單。夥計服務其實尚算熱情，非常幫手，完全唔係嗰啲大排檔叔叔或姐姐嘅態度。
先上白肺湯，由於靚女幫手安排，所以冇特別影相，湯渣都冇乜特別。講返個湯，杏汁味道可以，不過個人覺得湯底太重味精，材料算係豐富，白肺亦充足，不過當然比起其他出邊嘅質素可能還有點距離。
油浸筍殼魚
40 瀏覽
1 讚好
0 留言
之後就到油浸筍殼魚，炸得非常之脆口，而且份量十足，味道鮮味也非常好，絕對沒有重口味之嫌。某程度上這已經是整頓飯的highlight。
姐姐通菜煲
11 瀏覽
1 讚好
0 留言
啫啫通菜煲冇乜嘢特別，主要係味道偏鹹，菜係新鮮的。
超級多菜譜蜆肉炒蛋
20 瀏覽
0 讚好
0 留言
呢道菜叫做超級多菜譜蜆肉炒蛋，由於太想食所以食到一半先至記得影相。不過想食到一半發現原來而家已經冇做蜆肉，所以係沒有通知我們的情況下換咗做蝦仁仔。其實味道唔錯嘅，送飯一流。不過對於要將啲蜆滅門嘅阿辣妹，表示有點失望。
蜜糖欖菜骨
20 瀏覽
0 讚好
0 留言
蜜糖欖菜骨絕對係小朋友至愛，阿肥仔同叉燒妹都好鍾意。肉嘅部位也不錯，沒有太多肥肉，不過賣相有點偏油，食落還可以。唯一嘅投訴係太多腌肉粉同埋偏鹹。
蒜片牛柳粒
17 瀏覽
0 讚好
0 留言
旋片牛柳粒又係小朋友的另一摰愛，味道尚算接受，不過這個牛肉粒真的是太多腌肉粉了。
麻辣炒蜆
12 瀏覽
0 讚好
0 留言
呢碟菜式出場阿辣妹立刻雙眼發光，她表示非常興奮。食完之後發覺其實佢嘅麻辣一點都沒有麻，所謂嘅辣都係落咗小小辣粉仲係啲汁上邊睇到。味道還可以嘅，不過個人覺得可以炒得有誠意啲。
總括嚟講係一間非常旺角地道嘅大排檔，個人覺得在大排檔來說還未達標，大部份菜式都係偏鹹，所以在有選擇的情況下，應該暫時不會再來。
張貼
