HABO室內釣蝦場 (已結業)

上次黎食雞煲，見到新開左間釣蝦場好得意，所以過黎玩下 店員話有黑水池同清水池，黑水係比高手玩，所以我地選左清水釣蝦。玩法係將蝦皮去頭尾，然後穿入魚餌勾，再放入水池入面等蝦上釣。如果懷疑有蝦食緊，可以輕輕拉下魚竿試下會唔會有拉力拉緊支竿。若果有既話，就可以拉起支魚竿。店員會不斷加d蝦入水池，令上釣機會上升。當成功拉到隻蝦上黎，真係勁開心~~😃 釣好既蝦可選擇鹽燒，椒鹽，醬油同麻辣味。蝦燒之前仲見到佢地游黎游去，同埋幾大隻😉，燒出黎既蝦肉彈牙厚肉，~加埋醬汁更豐富😃個人最中意醬油味，有少少甜，食落更鮮香~麻辣味既辣度岩岩好，比較惹味。鹽燒同椒鹽比較貼近蝦既原味😊多口問左店員，若釣唔到蝦，佢地會補送幾隻比人食~😅