影片
更多
2012-05-17
137 瀏覽
身為金鐘返工的人, 應該都好知道金鐘是幾咁難搵飯食, 成日都想出灣仔食午飯, 不過想字居多, 因為話遠唔遠, 話近唔近, 行路又唔係, 坐叮叮又唔係. 但灣仔區的食店無疑吸引力比較大, 所以靚女同事們相約我們班新仔同事去灣仔的國際咖哩見識一下, 我地當然"螺"飯應啦.坐叮叮去到大王東街附近, 原來好近叮叮站, 都好方便. 一行七人一早已經訂左位, 所以食飯時間都不用等位, 我地當然由靚女同事們發板, 佢地話我地七個人, 叫一個六人套餐, 因為跟餐只有牛肉角, 無咖喱角, 所以就多叫一客, 就剛好我們六女一男啦. 有兩款咖喱, 兩款肉類, 一個炒菜, 三碟飯同六件薄餅, 可惜不是油酥餅.先上的是咖喱角同牛肉角, 兩者外表一樣, 點的綠色醬汁也一樣, 只係入面的饀料不同, 一個是雜菜粒粒, 一個是牛肉碎, 個人鐘意雜菜多少少啦, 咖喱香而不辣, 外皮是脆脆春卷皮, 好味好味.咖喱蝦我地揀左小辣, 但以唔食得辣的我都唔覺得辣, 但又不失咖喱香, 而可惜個汁不是杰身的, 比較水水, 所以無論撈飯定係點薄餅, 都唔係話十分適合. 而入面的配菜並不算多, 洋蔥還算生一點, 而蝦細細隻, 肉
坐叮叮去到大王東街附近, 原來好近叮叮站, 都好方便. 一行七人一早已經訂左位, 所以食飯時間都不用等位, 我地當然由靚女同事們發板, 佢地話我地七個人, 叫一個六人套餐, 因為跟餐只有牛肉角, 無咖喱角, 所以就多叫一客, 就剛好我們六女一男啦. 有兩款咖喱, 兩款肉類, 一個炒菜, 三碟飯同六件薄餅, 可惜不是油酥餅.
先上的是咖喱角同牛肉角, 兩者外表一樣, 點的綠色醬汁也一樣, 只係入面的饀料不同, 一個是雜菜粒粒, 一個是牛肉碎, 個人鐘意雜菜多少少啦, 咖喱香而不辣, 外皮是脆脆春卷皮, 好味好味.咖喱蝦我地揀左小辣, 但以唔食得辣的我都唔覺得辣, 但又不失咖喱香, 而可惜個汁不是杰身的, 比較水水, 所以無論撈飯定係點薄餅, 都唔係話十分適合. 而入面的配菜並不算多, 洋蔥還算生一點, 而蝦細細隻, 肉質尚算彈牙, 但不太入到咖喱味. 另外一款是特辣的咖喱魚柳, 我唔敢點汁啦, 不過食左半舊魚柳, 魚柳真係好入味, 即係辣到傻. 不過個汁一樣是水水的...印度薄度細細片, 熱辣辣, 就咁食味道也不俗.
肉類方面, 牛仔骨大大碟, 份量十分, 不過鬆肉粉似乎多左少少, 牛已經沒有質感了. 不過跟上的疑似咖喱汁, 還是沙嗲汁, 其實食唔出, 不過我覺得佢比較杰身, 比起樓上兩款咖喱汁更為吸引. 而雞件伴著很多炒洋蔥, 我食的雞奕位肉身不會太鞋, 但雞胸位真的比較死實, 同埋伴菜實在太鹹啦, 所以連件雞係比較鹹, 這兩款肉食不推介. 炒菜先有西蘭花及椰菜花, 正正常常, 都不錯啦. 跟餐還有六罐汽水, 令我在特辣那一下之後回復知覺, 哈哈.
張貼
