蜀大俠 (已結業)

今晚同朋友一起去吃一間係內地有好多分店嘅火鍋店，主要係四川嘅正宗麻辣火鍋，未入店內已經嗅到個湯底嘅味道，座下望望點菜紙，就好似張秘笈一樣，打開內頁就係選擇食物嘅時間了，雖然我愛刺激，但之前試過太辣係吃唔到所以就要紅白鴛鴦鍋湯底$128，咁就夠晒穩陳！另點了個招牌菜花千骨$98，留意點菜紙下有個時間係放湯時間，之後就點了啲火鍋必吃食物，手打四寶丸$108，手切美國雪花肥牛(大)$198，炸魚皮$48，同較特別嘅蜀味臘腸$48個鍋超大個，把手位兩邊係個龍頭，好有氣勢！當然個湯底一望就知係用料十足！個啲紅辣椒超多，望到就已經開始流汗，但喜歡吃辣嘅朋友就好感動了！佢話個味道夠晒濃郁！我就選了白湯個邊！味道一樣鮮味而唔辣，咁先可以照顧不同嘅人！同時出現嘅花千骨，浸透在調味內，二話不說立時將佢放進紅湯內，建議時間10分鐘，本身已調控好嘅味道更加出色，肉質軟熟嫩滑，入口已經感覺到個肉香，香中帶少少辣，味道真係好好味！絕對夠味！而個蜀味臘腸就好特別，一條條，十足一堆百力支放在碟上，浸泡了熱盪，入口肉質軟熟肥美，略帶少少辣，又另一種風味！咁必吃的手打四寶丸，確實粒粒都十分彈牙爽口，其中墨魚丸夠晒煙韌彈牙