Wins Goodies (已結業)

鋪頭細細，但食物相當精緻好味！係呃like 好地方！首推：初戀雖然個名有啲難為情，但呢個甜品真係必食之選。每一層都令人充滿驚喜！貌似忌廉嘅第一層，我會形容為玫瑰加士多啤梨嘅豐盈泡沫，少少甜又唔漏！次選：士多啤梨芭菲伴心太軟貌似蟹柳嘅芭菲帶有濃濃嘅士多啤梨味，而且質細滑，單食己經好好味！心太軟表層厚薄適中，有少少脆脆地；想完美咁將一個心太軟吞落肚，先先要開一個火山口，將芭菲浸落熱燙燙嘅朱古力醬，一冷一熱嘅感覺非常正！新嘗試：芒果拿破倫配桑苺雪葩拿破倫相當鬆化，叉落去時會聽到嚓嚓聲；大愛桑苺雪葩，酸酸甜甜勁開口，但個人食呢款甜品時有啲狼狽，同男朋友一齊時，盡量避免揀呢款啦！食物價格唔係平，男仔未必理解吸引之處係邊，所以都同一班女仔黎好啦！