Wins Goodies (已結業)

元朗一日遊！最後既環節當然唔少得-食.甜.品！千里迢迢，好在友人揸車，尋晚食完泰國菜仲要落雨！於是一行5人來到呢間聞名的Wins goodies,同我媽咪同名既甜品師傅係前香格里拉的廚師，相信酒店級水準應該唔會令我失望！二話不說，先點了我最愛的拿破崙！原本想單點唔要雪芭的，但沒有了，只剩堂食的芒果拿破崙配紅莓雪芭！($6x) 酥皮算鬆脆，但係應該沒有塗上焦糖，食落帶苦味！吉士係雪得唔夠凍完全hold唔到個形而且我食唔到有雲呢拿籽的香！失望！雪芭是紅莓味，我麻麻地，但友人卻很喜歡！於是再點了心太軟配士多啤梨芭菲（$58），嘩！我第一次食一個心太軟係唔.流.心的！簡直同7-11賣$9.9的一樣！忍唔住同店員講再換上另一個，但都係得勁少流心！唔合格！再試埋焦糖燉蛋原味+蝴蝶酥～焦糖。。同我食過既Paul Lafayette 真係差好很遠！首先焦糖用的不是法國黃糖！蛋亦都一樣不是法式雲⋯⋯

以前嘅元朗係美食沙漠，近呢10年八年真係翻天覆地，旺到直情好似旺角咁以前行街好舒服，依家就迫迫夾夾，唯一嘅好處就係為元朗帶來好多新嘅美食衝擊加上我覺得元朗人好有錢所以唔同嘅靚 shop 都入咗嚟!例如呢間買甜品嘅，座位唔多。但係食物種類就好吸引呀！價錢唔係好貴但又真係幾好味，而且有啲都幾有創意嘅當你用40幾蚊食一碗譚仔米線，咁梗係飽肚。但女仔揀甜品，重點係靚同埋吸引。真係望住唔使食都好開心，我最鍾意就係食芒果嘅甜品， mango delight小朋友比我快一步，一打開驚聞到好香嘅芒果味芒果甜，cream 打得好柔滑，食落去甜度適中，而且口感 feel 到係新鮮製造下次有機會都想試吓其他味道。

上次與友人初嚐 覺得是間質素不俗的小店是日71晚飯後 突然起左甜品癮 就拉老公去啦！店子如往常一樣 有著好些人在等位不同的是 門口貼著：租約問題 7月2結束沉重打擊 Dessert Gallery ,貓山皇 一間間好味的元朗小店被抹殺 好不容易找到這裡又要被離開了好！好好品嚐這一次初戀 OK店的招牌之一 味道有層次 但可能因本人不太偏好草莓 較喜歡上次類同設計的「精點咖啡」黑魔 賣相味道都無得輸 每個部份互相搭配又更刺激味蕾小店未知後事如何 繼續留意臉書新發展吧

門口見有很多飲食雜誌推介，想必此店有一定的優點，所以在門外排隊等了約十幾分鐘。店鋪小小的，但燈光分外光猛，菜單上的甜品看似精緻及色彩繽紛。紅酒梨千層酥配雲呢拿雲糕$72紅酒煮梨味道很獨特，酥皮很脆，每層酥皮像比紙還要薄。雲呢拿雪糕很滑，配合溫溫的酥皮，味道也很夾。士多啤梨芭菲伴心太軟$60筆者不太喜歡太甜，故嫌心太軟略甜，除此之外並發現不了缺點。另外貌似蟹柳條的士多啤梨芭菲也是正常的哈根大師味道。

不知道對元朗熟悉的朋友，有否跟我有著同一感覺。元朗吃的選擇豐富，可是卻找不著閒適合意的歇腳小店？我以上的說法並沒把集團式的咖啡店計算在內，或許這個問題也是同樣出現在香港不少的地區，租金高昂，空有一番大志構想、苦無資金營運的創業者大有所在，這亦是香港愈來愈千遍一律、缺乏生氣的引命危機！ 這天老公跟我與家人在「屏山傳統盆菜」吃過九大簋，肚子脹得很，於是跟家人道別後，便在元朗逛著。走累了，加上天氣有點熱，想找個歇腳點，特別是好吃的雪糕涼快一下。漫無目標地走走走，豈料王天不負有心人，我們在那裡渡過了寧靜的下午時段！ 「Wins Goodies」算是一家小店，小店門口並沒任何養眼的設計，直至其影象快要在眼角消失之際，玻璃門前那些法式牛角酥在眼角閃了閃，很自然把身驅由原來的方向近乎180度的扭過來。細看下，除了原味牛角酥，出品還有杏仁牛角酥、開心果牛肉酥、海鹽焦糖牛角圈、朱古力牛角圈、英式鬆餅和蘋果條等。 出色的牛角酥，往往是大師級的傑作，例如我心目中的 Joel Robunchon。推門內進前我仍帶著懷疑，怎料一推門，牛角酥的香氣猶如噴上古龍水的美熟男 （怨本人一向不太懂得欣賞小鮮肉，因此才會這

對上次試完，總念念不忘今次又嚟，試下其他先Tiramisu,咖啡味濃郁，吉士夠滑，用樽裝，好有特式香菲，香蕉味令人一試難忘，加上旁邊嘅red berry,開胃如圖畫嘅甜品

這間甜品店名字叫Wins Goodies好特别,我留意很多甜品都用英文字或法文來改店舖名字。我今次是第二次來這間店吃甜品,今次叫碎蛋牛肉牛角包配蜜樹茶,㕑師用炒蛋和碎免治牛肉混在ㄧ起配沙津菜夾在牛角包內,兩者ㄧ起味道好特别,牛角包好鬆脆。配一杯蜜樹茶,茶味清醇少許甜味,很好飲。上個月是第ㄧ次經過見到店舖玻璃看到很多蛋糕、很多不同款牛角包放在柜上,再細看裏面有幾張白色長桌和椅,我便走進去,店員比了兩本餐牌,細看甜品的相影得好靚吸引顧客。我叫了士多啤梨芭菲拌心太軟($60),我等了ㄧ會兒,ㄧ碟粉红色士多啤梨雪芭似雪條配朱古力心太軟,拌碟配雜莓粒,士多啤梨芭菲吃不太甜,心太軟切開裏面不是很多朱古力汁流出來,整體来說,平時甜品店是用雪糕配心太軟。這裏很特别用士多啤梨芭菲代替雪糕,我覺得吃完甜點很滿足和開心呢!

係openrice見到呢間話係前香格里拉酒店大廚主理既甜品舖，決定一試。Menu上面好多款式都好靚好吸引，不過價錢稍貴，所以唔捨得叫咁多。試左似係皇牌既“黑魔”， 黑松露雪糕加朱古力mousse，出奇的夾，賣相超靚，再加上rasberry 同士多啤梨粉，中和番朱古力mousse既味道。不過，過百蚊既甜品，價錢實在有點兒貴，一試無妨既。

🍰🍭🍧由前香格理拉大廚主理既＂初戀＂以粉紅色為主，底層有櫻花蛋糕、脆米、、紅莓、吉士、草莓味啫喱同雪糕，上層係忌廉上面灑滿玫瑰花瓣同甜粉，由甜到酸唔同既口感層次同甜品名＂初戀＂配合度100%👍🏻👍🏻💓💓 🍫🍰🎂有d甜品唔止好食～樣重好靚添甜品＂黑魔＂用黑松露加係朱古力雪糕mousse入面，出奇夾之餘味道真係好香濃💓好羨慕元朗住既朋友可以成曰去，店內座位唔算多但坐得好舒服😍😫除左甜品出色，佢個紅莓，綠茶牛角包都好正😍👍🏻👍🏻 重有佢地既蝴蝶酥都係開返去去首選～又脆又重牛油香👍🏻👍🏻店內座位唔算多但坐得好舒服😍

到訪前都知道這家店好評多，甜品做得精緻又美味，所以才放入今次的to-eat-list。然而，沒想過小店的廚師是大有來頭，原來他曾在九龍一家五星級酒店當糕餅總廚！他的工夫功架如何，看圖便已想到呢！這個「香菲」賣相十分吸引，美得像幅畫，這種藝術品一樣的食物絕對是呃LIKE的最佳工具！綠色的是綠茶雪芳蛋糕，另外還有雜莓粒、脆脆和用朱古力及不同顏色的糖霜堆砌而成的「森林」，都很美味，而兩枝加了食用花的香蕉味雪條，香蕉味濃，白朱古力脆皮吃起來夠薄脆之餘，但出奇地不會太甜膩，令人滿意。

有朋友介紹呢一間甜品店，睇過食評都好似好吸引，賣相唔錯。難得入黎元朗，咪去試囉。入面座位唔多，小店經營，櫥窗嘅蛋糕款式亦都好吸引，不過賣嘅價錢唔平而且件頭唔係好大。坐低睇個餐牌都係覺得貴，要知道呢道係元朗，唔係九龍。點咗一個 tea set四款蛋糕加一杯熱朱古力。特濃朱古力脆餅，餅底到做得唔錯，佢香脆，其實面頭個Truffle 雪得太過硬，相信佢整完之後，擺咗入冰箱定型，但係回溫未夠。佢個綠茶芒果芝士餅，有同樣過凍嘅情況，感覺上都係過硬，個綠茶Truffle同埋個芒果凍一切落去就已經分離咗，亦都冇綠茶味。海鹽焦糖蘋果餅賣相都可以但係未道好淡，唔出，唔係好知食梗咩。 栗子歌劇院餅層次分明，但係中間層牛油忌廉都係好硬，食唔到佢既香滑。呢個Dessert全部的賣相都幾好，但係都好似喺冰箱攞出嚟未解凍咁，硬班班食唔出佢嘅香味，有啲失望。反而佢個杯熱朱古力奶，夠香濃朱古力味，只係稍稍過甜，呢個值得推介！再試咗佢個開心果牛角酥，牛角酥本身 做得幾好，唔怕油兼且香脆，但係開心果做甜品本身就好難做好，個味本身唔係好突出，有啲失望。整體嚟講其實我覺得佢甜品賣相好但係味道同上桌前處理可以做得更好。價錢方面

難得一日見完客，同佢經過元朗，就泊低架車落地抖抖。想飲杯咖啡同坐得舒服，佢門口幾靚，之前經過都想試好耐，見難得入到黎，啲牛角包又咁吸引，於是就入去試一試佢啦。因為平日嘅下午，間餐廳冇咩人，老闆好好招呼。下午茶老闆推介牛角包set加杯咖啡，想試開心果牛角包，老闆仲話入面有啲類似吉士嘅餡，即刻諗都唔洗諗就揀左。黎到個包已經烘到熱熱地，散發住陣陣香味好吸引！食落外面少少脆，入面嘅餡唔多，有少少dry,好彩佢味道唔錯，唔會好甜，但有開心果味。我見普通牛角包set係跟一球雪糕架，如果呢個餐都可以跟埋就完滿喇！

鋪頭細細，但食物相當精緻好味！係呃like 好地方！首推：初戀雖然個名有啲難為情，但呢個甜品真係必食之選。每一層都令人充滿驚喜！貌似忌廉嘅第一層，我會形容為玫瑰加士多啤梨嘅豐盈泡沫，少少甜又唔漏！次選：士多啤梨芭菲伴心太軟貌似蟹柳嘅芭菲帶有濃濃嘅士多啤梨味，而且質細滑，單食己經好好味！心太軟表層厚薄適中，有少少脆脆地；想完美咁將一個心太軟吞落肚，先先要開一個火山口，將芭菲浸落熱燙燙嘅朱古力醬，一冷一熱嘅感覺非常正！新嘗試：芒果拿破倫配桑苺雪葩拿破倫相當鬆化，叉落去時會聽到嚓嚓聲；大愛桑苺雪葩，酸酸甜甜勁開口，但個人食呢款甜品時有啲狼狽，同男朋友一齊時，盡量避免揀呢款啦！食物價格唔係平，男仔未必理解吸引之處係邊，所以都同一班女仔黎好啦！

同朋友食完飯 諗住食 慶祝埋生日 食埋甜品先離開元朗店員好細心咁做介紹最後因為想試多啲就決定叫個 set可以擇4種蛋糕 我地就選咗 "櫻花 焦糖 朱古力 綠茶"啲蛋糕放得好有藝術感 😚又靚又好味 😍😍😍

有聞這小店是前酒店餅師主理，今晚一於去試試。芒果拿破侖配桑梅雪芭（$65）拿破侖十分鬆脆，中間夾著芒果cream,由於餅很鬆化，食的時候好messy 吓。芒果忌廉的甜味較強，芒果味唔係咁強。raspberry sorbet味道酸酸甜甜的，沙冰的味道。Wins daily special:今曰精選（$78）外型有點像巨型mint Blanc. 青提味道清新,酸中帶甜，配上baileys ice puff 同tiramisu cream ，估唔到味道好夾. Ice puff 質地比較結實,bailey icecream 味道香濃，而咖啡雪糕也不錯，淡淡地，加埋甜甜脆脆的牛角酥碎片同海鹽焦糖sauce：在沉穩的咖啡甜味中再添一D甜甜鹹鹹的味道，令甜味無咁單一，唔錯。有感這兒的甜點比上週吃whisk 好一點，但又沒有Joel Robuchon 或Pierre 甜點的那一個wow factor. 總結：味道幾好，可以一試。