鳳城酒家 (已結業)

今日去左荃灣鳳城擺滿月(得一圍, 都係屋企人食飯), 開頭都ok, BB好乖, 無乜喊, 食到最後埋單先至最激氣, 俾完張卡簽完, 有以下對話部長問:「會唔會俾D貼士打賞吓」, 我答 : 「..... 會唔會呀?.... 唔會喎」部長:「咁D招呼好唔好先?」我答:「麻麻啦」部長黑面後離去。原本好開心的滿月酒, 我係度諗咪我做得唔啱?我唔俾貼士係咪好cheap, 攪到我好唔開心,我以前都去過鳳城(黃埔),記得都幾好, D菜同裝修都ok ,一心諗住滿月去食吓啦, 但係今之响荃灣的招呼同野食都係普普通通, 咁咪無俾貼士囉, 所以經過呢件事之後,我永世都唔會再去。