影片
更多
2024-12-02
315 瀏覽
冇睇過任何食評，膽粗粗，見盤面靚，就訂位同屋企人食生日飯。一行九人，入到去，只有三兩枱客，已經心知不妙。心諗～可能價錢問題啫。打開餐牌，最平嘅百幾蚊，最貴嘅接近$400 ，冇任何套餐，飲品另計。冇所謂，叫咗一份魚柳薯條、一份全份豬仔肋骨、一份半份嘅豬肋骨、三份和牛龍蝦尾、芝士龍蝦尾意粉同埋一份卡邦尼意粉，結果⋯⋯卡邦尼意粉，個碟就好大，份量應該係一個飯碗倒轉咗。龍蝦尾意粉嘅龍蝦，又乾又嚡。豬肋骨～係好大份，可惜都係製作所唔住肉汁，啲肉都又嚡，完全係食汁。嗰份魚柳薯條，炸魚柳表面嘅粉，厚過搽粉，又有油膱味。和牛龍蝦尾仲衰～龍蝦尾同之前嘅意粉一樣，啲肉又乾又嚡，嗰份和牛仲衰，我叫咗三碟，嗰塊和牛，就好似每兩碟分一半share咁每碟斜厚切四件，肯定唔係一塊過，我明明叫一份，和牛扒就半份，我叫咗總共三碟，即係食咗一塊半嘅和牛，最慘嘅係根本都唔係和牛，都係又韌又嚡口，而且又冇牛肉味，仲要買成$350一份。講真，金記嘅魚柳好食過佢好多倍。龍蝦尾，求其波士頓餐廳，都好食過佢。卡邦尼意粉，我喺深水埗福榮街嘅馬德里餐廳，好食過佢。所謂嘅和牛扒，都唔好講自己訂返嚟一寸口嘅自己煮，我喺HKTVmall買塊求
打開餐牌，最平嘅百幾蚊，最貴嘅接近$400 ，冇任何套餐，飲品另計。冇所謂，叫咗一份魚柳薯條、一份全份豬仔肋骨、一份半份嘅豬肋骨、三份和牛龍蝦尾、芝士龍蝦尾意粉同埋一份卡邦尼意粉，結果⋯⋯
卡邦尼意粉，個碟就好大，份量應該係一個飯碗倒轉咗。龍蝦尾意粉嘅龍蝦，又乾又嚡。豬肋骨～係好大份，可惜都係製作所唔住肉汁，啲肉都又嚡，完全係食汁。嗰份魚柳薯條，炸魚柳表面嘅粉，厚過搽粉，又有油膱味。和牛龍蝦尾仲衰～龍蝦尾同之前嘅意粉一樣，啲肉又乾又嚡，嗰份和牛仲衰，我叫咗三碟，嗰塊和牛，就好似每兩碟分一半share咁每碟斜厚切四件，肯定唔係一塊過，我明明叫一份，和牛扒就半份，我叫咗總共三碟，即係食咗一塊半嘅和牛，最慘嘅係根本都唔係和牛，都係又韌又嚡口，而且又冇牛肉味，仲要買成$350一份。
講真，金記嘅魚柳好食過佢好多倍。
龍蝦尾，求其波士頓餐廳，都好食過佢。
卡邦尼意粉，我喺深水埗福榮街嘅馬德里餐廳，好食過佢。
所謂嘅和牛扒，都唔好講自己訂返嚟一寸口嘅自己煮，我喺HKTVmall買塊求其$90一寸厚嘅肉眼扒，都好食過佢，又Juicy，又林口，起碼有牛味
食嘅時候，仲有好多烏蠅仔飛來飛去
佢嘅廚房送食物出去樓面，原來要經過後樓梯嘅逃生門再送食物出。
離開嘅客人所用完嘅餐具，都會經過嗰個後樓梯逃生門送入去，感覺上食物經過後樓梯，比較污糟。
咁就消費咗三千幾蚊
呢間意大利餐廳，我唔識欣賞，有今次冇下次。
過咗呢一晚之後，咁啱第二日晚餐時候又經過，結果都係見到只有四枱客，真係等執笠。
張貼