慕茶 (已搬遷) 新店位置

中秋節第二日公眾假期，周圍啲cafe一係唔開一係就冇位，偏偏等二日要有presentation，揾唔到地方可以同groupmates傾野做最後衝刺，好彩最後比我地揾到呢間慕茶😆😆間餐廳一入到去好多人，但好彩都仲有位。雖然環境唔算靚，但係對於一個要趕功課即人黎講，啲間cafe最大優點一定係佢唔趕人走同埋wifi夠快!!!!我地三個人每人叫左一個item就由兩點坐到七點了。食物方面，我叫左一個甜品，有藍莓芝士蛋糕同埋一個玫瑰花味既雪糕。呢間cafe雪糕啲味全部都好特別好好食，好似全部都係自家製的。相對之下，藍莓芝士蛋糕就冇咩特別了。不過甜品個份量偏細，就咁就58蚊，唔太抵食。😢