影片
更多
2008-12-11
12 瀏覽
星期六就要做姊妹喇~~ 工作上真係好忙好忙.... 但點都要抽時間去執一執個樣架~~ 所以今晚就約埋媽咪一齊去旺角做 facial 晚上8點幾先去到，整下呢樣整下果樣.....嘩~~~ 11點先有得走 跟住我地就“立立聲”走，因為我地仲未食晚飯呀 昨晚食唔到咖哩，今晚終於搵到呢間「旺角咖喱大皇」，好彩去到時佢仲肯做我地既生意~睇到d 2人套餐，但媽咪覺得唔係好岩，所以我地都係散叫﹕什錦拼盤﹕$ 4x，串燒豬肉及雞肉各 兩串 + 素春卷 x 4 (原本是 素春卷 x 2和咖哩角 x 2，但由於咖哩角我餡是牛肉....所以就轉埋 素春卷 ) 兩款串燒都妹妹味呀~蘸上供應既 咖哩汁﹖(我媽咪同我都覺得是咖哩汁，但見到其他d食家話係沙爹汁....所以都唔係好肯定... )，唔~~~真係好正呀!!! 雖然我地係是晚最後一檯客，但d食物都好夠熱呀!! 素春卷仲係熱辣辣的 今次蘸上酸辣醬，o.....又係好好味~~ 我媽咪話佢呢兩種醬料都好好味~~巴基斯坦咖哩雞 配 飯﹕$ 4x，woo~~~ 好正呀!!! 夠哂辣~~ 岩哂喜歡食辣既我 真係好好味....好耐未食過d咁香辣既咖哩，岩哂黎
睇到d 2人套餐，但媽咪覺得唔係好岩，所以我地都係散叫﹕
什錦拼盤﹕$ 4x，串燒豬肉及雞肉各 兩串 + 素春卷 x 4 (原本是 素春卷 x 2和咖哩角 x 2，但由於咖哩角我餡是牛肉....所以就轉埋 素春卷 ) 兩款串燒都妹妹味呀~蘸上供應既 咖哩汁﹖(我媽咪同我都覺得是咖哩汁，但見到其他d食家話係沙爹汁....所以都唔係好肯定... )，唔~~~真係好正呀!!! 雖然我地係是晚最後一檯客，但d食物都好夠熱呀!! 素春卷仲係熱辣辣的 今次蘸上酸辣醬，o.....又係好好味~~ 我媽咪話佢呢兩種醬料都好好味~~
巴基斯坦咖哩雞 配 飯﹕$ 4x，woo~~~ 好正呀!!! 夠哂辣~~ 岩哂喜歡食辣既我 真係好好味....好耐未食過d咁香辣既咖哩，岩哂黎撈飯~~ 如果呢款咖哩配薄餅，肯定唔夠!! 食哂d薄餅都未食到半兜咖哩呀~ 我媽咪都話呢款夠辣、好香、好辣~~
馬來西亞咖哩豬扒 配 薄餅﹕$ 4x，呢款咖哩比較上一款少d辣，但都唔係唔辣架，侍應阿姐話呢款係 中辣 ﹔上一款既係 大辣 我媽咪較喜歡呢款咖哩，佢話無咁辣，但係都好香、好好味~~ 佢仲話d豬扒好好味，好食過佢昨晚係「沙爹王」食果d喎~
我覺都有好多豬扒喎，份量都ok丫，唔算少架喇~ 好過 快餐店 果d好好好多倍丫~但果件薄餅就......實在較細，唔夠撈黎食，所以就要order多一客飯啦~
馬拉盞炒白菜仔﹕$ 4 x，賣相幾好~ 食落去...good喎~ d白菜仔幾新鮮、幾靚呀!! 我媽咪都話碟菜幾好、唔錯~ 我覺得份量都ok多，味道唔錯，雖有，但唔多味精!! 熱辣辣，夠鑊氣，但又唔會過多油~
椰汁冰(媽咪的)、青檸薏米水(我的)﹕各 $ 2 x，媽咪話佢既椰汁冰幾好，唔會太甜，有椰汁味 我就覺得我既青檸薏米水好掂 第一次款呢一款飲品，真係好好味~ 有青檸味之餘，又有薏米水既味，有d似薏米糖水咁，真係好特別，我覺得今次自己無揀錯啦~
呢度侍應既服務態度好好~ 雖然我地係全店最後一檯客，但佢絕對無唔理我地or催促我地快d 而且會自動自覺加水，在order食物時，又會介紹清楚 服務值得加分啦~
埋單連加一﹕ 二百七十幾，我媽咪都話ok~ 絕對會有下一次呀!!
張貼