JOMO Coffee & Cakes (已結業)

已久仰大名嘅jomo 一路俾佢嘅蛋糕洗版 想試左好一段時間 今次終於嚟到 開心開心😚-✏️ 伯爵茶戚風蛋糕 ($52)先講蛋糕體 質感做得非常之鬆軟 空氣咁十足 係真係有種動L動L嘅感覺🤪食落極度輕盈 不過可惜茶味好薄弱 單食仲還好 但如果同忌廉一齊食 忌廉嘅甜味更加將茶味都蓋過😢所以單講蛋糕體係做得好出色 但係對於茶味嘅濃度頗失望🥲〰️✏️抹茶卷蛋糕 ($48)抹茶嘅濃度比起剛剛伯爵茶高 不過都冇去到我想像中咁濃 佢嘅抹茶忌廉係屬於偏輕型 食落唔會滯 另外呢款蛋糕體好綿密濕潤 個人幾喜歡😚整體嚟講覺得佢呢間嘅蛋糕本身質感係做得出色 不過茶味嘅濃度覺得需要再加強 先滿足到真正茶控😛