和牛88

營業中

休息中

一向鍾情有質素小店，而做和牛🐮嘅小店又唔多，和牛88係心水。放工唔知食乜就諗起佢。坐低咗見到有一人dinner set，價錢就豐儉由人，$128-$238，有沙律小食main 同飲品，都有幾多嘢。於是我嗌咗日本產和牛湯烏冬套餐。沙律食材新鮮，人流少，可見店家無因此降低食材要求。小食就點咗燒鱈魚片，香、脆、熱的，睇得出啱啱整起即上。同行嘅叫左牛肉薯餅，炸得鬆，食到有牛肉，熱到出煙，好味。至於和牛湯烏冬🍜有驚喜，湯底清淡，而且好飲，烏冬滑身而且有咬口，至於和牛我都冇咩可以彈，重牛味亦嫩。連伴菜：日本南瓜、西蘭花、蘿蔔都係有煮熟過先放入去碗，睇得出用心。飲品加10蚊點咗個柚子梳打，好爽質素對得住價錢，但我眼見十個客都無，可能市道太差啦😞，唯有希望佢越做越好。原來仲有二人dinner set 喎，係sukiyaki 😍有機會可以試埋。