影片
更多
2018-10-19
4489 瀏覽
Oolaa是我個人好鍾意嘅Lunch Spot，佢有非常舒服嘅環境（沉色木裝修，舒服嘅梳化凳，枱同枱之間有足夠空間），精美嘅頭盤沙律自助餐，同高質嘅主菜，合埋連加一都唔洗兩舊水。唯一問題係地點唔就腳，要喺PMQ圓創方再向半山方向行兩條街。夏天要行個條大斜路就辛苦啲，由上環地鐵站來回要行起碼半個鐘。即使係咁，佢嘅性價比依然冠絕中上環。呢碟攞咗Cold Cut，墨西哥酥皮卷，越南米紙卷，烤茄子，茅屋芝士。呢碟攞咗naan bread，長通粉，烤西蘭花，烤黃椒，豆角沙律，乳酪青瓜，Cold Cut，茅屋芝士同米紙卷。由上面兩幅圖可見，佢嘅沙律頭盤係多國籍，多選擇，而且材料新鮮，調味清新。如果揀啲飽肚食物的話，淨係攞一次已經可以塞飽個胃，記得留肚。New Zealand Lamp Rump 係比較少見嘅羊肉部位。你見到啲肥膏好有存在感，食落真係入口即溶，嗰陣羊滋味諗起都流口水。面頭有啲薄荷香草醬提起羊味，伴碟嘅菜亦毫不吝嗇。Duck Leg Confit 工序繁複，鴨皮烤到脆卜卜，啲肉比新鮮鴨更有咬口同肉香。成隻鴨肶係Full Size，加埋煎到金黃色嘅薯仔、滑子菇同惹味嘅醬汁，係晚市主菜嘅級
呢碟攞咗Cold Cut，墨西哥酥皮卷，越南米紙卷，烤茄子，茅屋芝士。
呢碟攞咗naan bread，長通粉，烤西蘭花，烤黃椒，豆角沙律，乳酪青瓜，Cold Cut，茅屋芝士同米紙卷。由上面兩幅圖可見，佢嘅沙律頭盤係多國籍，多選擇，而且材料新鮮，調味清新。如果揀啲飽肚食物的話，淨係攞一次已經可以塞飽個胃，記得留肚。
New Zealand Lamp Rump 係比較少見嘅羊肉部位。你見到啲肥膏好有存在感，食落真係入口即溶，嗰陣羊滋味諗起都流口水。面頭有啲薄荷香草醬提起羊味，伴碟嘅菜亦毫不吝嗇。
Duck Leg Confit 工序繁複，鴨皮烤到脆卜卜，啲肉比新鮮鴨更有咬口同肉香。成隻鴨肶係Full Size，加埋煎到金黃色嘅薯仔、滑子菇同惹味嘅醬汁，係晚市主菜嘅級數。簡單講，咁嘅質素嘅主菜，午市可以連埋自助頭盤百五蚊真係抵到爛。
張貼
