甘饕 (已結業)

呢日去利園shopping，行到好攰，近近地響蘭芳道搵食。發現呢間食燒鵝嘅小店，見餐牌嘅二人餐有溏心皮蛋、燒鵝、滷水小食同時菜，都幾啱食，一於入去試吓。🦢🦢主打嘅燒鵝賣相好靚，調味適中，肉質嫩滑，入口香脆，確實比不少坊間其他燒鵝嘅店舖做得好。滷水有豬肚、豬脷、豬耳、腎片、紅腸、豆腐同豬腳仔選擇，我哋要咗豬耳同滷水豆腐，豬耳好爽脆入味，滷水豆腐好滑。🥢🥢套餐嘅份量都好多，二人絕對夠食。小店唔算太多座位，但地方乾淨舒適，店員親切有禮。響銅鑼灣搵嘢食，又想食下燒鵝，絕對係一個唔錯嘅選擇。