金子半之助 (利東街)

營業中

休息中

考完試終於出關，今日會經過灣仔，順道去拜訪這間口碑不俗嘅天婦羅丼飯專門店。店員先放上一壺黑豆麥茶，是店家自家炮製，一邊食比較香口嘅天婦羅炸物，一邊飲黑豆麥茶啱啱好可以解油膩～前菜有醃漬蘿蔔和海藻子薑～這裏嘅天丼飯，每次都吃得滿足！採用日本嚴選嘅高級麻油，炸物出爐芳香冇油益味，加上同樣來自日本嘅天婦羅小麥粉，雞蛋，調製出黃金比例的天婦羅炸漿，令外層鬆脆不油膩，仲鎖緊食物保持原汁原味。👍🏻👍🏻😋江戶前天丼份量超大。最注目嘅就當然係穴子（星鰻）天婦羅。肉質肥美而且魚味甚濃，足足有手掌咁長。醬汁可以分開上，自己控制份量更適合不過。炸海老，肉質夠彈牙，而且明顯係新鮮海蝦。其餘仲有炸溫泉蛋，蛋白層夠柔軟，篤穿雞蛋流出蛋汁，配合日本米飯和秘製醬汁，真係超勁美味。味噌湯唔會太鹹，足料夠熱！另一款值得追加嘅係「帆立貝魷魚天婦羅餅」，帆立貝切得大大粒，外面酥脆，肉質柔軟有彈性，比魚更有海鮮味。👍🏻朋友另外揀咗「迷你天丼和冷稻庭烏冬」。稻庭烏冬好滑溜，冷麵汁唔會太鹹，啱啱好。迷你天丼在女士嚟講份量都唔少。內有玉子，海老、南瓜、荷蘭豆和菇菌，同樣豐富。吃畢整份天丼，肯定令你綁着肚子而回。