Canadian Pizza (先施西環大廈) (已結業)

經OpenRice 外賣自取，落單一個大批夏威夷+$23拼啖啖肉，結果取貨回家打開發現整個都是夏威夷。致電店舖溝通，佢地話佢地自己落錯單做錯，話會即刻整返個啱嘅pizza，20分鐘後可以去取，我問佢地要唔要俾返個錯嘅pizza佢地，佢地初時話我食到就食，食唔到就俾返佢地。大約一兩分鐘左右佢地打返嚟叫我攞返個錯pizza落去換，我話個盒已經剪開左，佢問有冇食過，我話無食過但剪開左盒上蓋，佢地叫我攞返落去。其實我唔介意俾返佢地，只係希望佢地唔好拎去賣，因為始終仍然疫情，衛生好重要，雖然我哋無食過無摸到個Pizza，但有打開過。將心比心，我都唔想我買嘅pizza去過其他人手上再輾轉到我個胃。老實講，經過呢次體驗我真係唔敢再幫襯