一沢拉麵 (已結業)

呢間店舖嘅出品真係唔寫評論表揚下都唔得！food court 用紙質（？）嘅碗裝住都算啦，諗住至少有一般連鎖拉麵舖嘅質素，結果係感覺自己去買個日本拉麵煮黎食都好食過佢。麵食落偏硬身，唔知係咪煮唔夠時間？黑蒜油無咩味，個湯底又無咩味。雞卷唔好食，好嚡又有雪味。加料海苔12蚊有3塊大嘅紫菜，有咬口，但唔推薦加。食完個麵有如幻似夢嘅感覺。唯一有驚喜當時 food court 半滿，呢間舖唔多客，由買到拎得時間唔使3分鐘，同煮個快熟通心粉時間差唔多，食完可以優閒地睇下書，正！