漢堡佬 (已搬遷) 新店位置

又係一個人嘅晚餐🤤，都唔知食咩好，上網睇吓有啲咩推薦啦，見到呢間餐廳，選擇又多，價錢又唔貴，嗌咗個雞肉蘑菇意大利飯再加椒鹽一口雞。🥇拎到返屋企，意大利飯同一口雞摸落都係熱辣辣☀️🔥，試咗雞肉蘑菇意大利飯先，意大利飯份量多大，雞都有好多舊，雞個調味唔錯，雞肉好嫩滑同多汁，蘑菇都有炒過好香，白汁味道好豐富，唔似求其用牛奶煮就算。意大利飯都軟硬適中。🍚👍🏼椒鹽雞既椒鹽好香五香粉同蒜蓉嘅味道，咸道都啱啱好。雖然食完意大利飯已經好飽，但個椒鹽雞好香口，忍唔住想食多舊😂 停唔到...🤤🤤🤤🤤