椰粉湯紅 (已結業)

平時出街食飯有時都幾唔健康，比較多煎炸野，呢日就同屋企人揀左一間食健康家常菜既餐廳食dinner。睇睇餐牌，見到啲野食都幾抵食。我地點左個蜂蜜柚子雞，呢個雞係配彩虹飯，入面有紅米同粟米，比較健康。柚子雞炸到好香脆，配上酸酸甜甜既柚子醬，好開胃！跟餐加12蚊加左碟時令靚菜，補充一下營養！另外仲點左香草紅酒牛腩飯，牛腩炆到好入味同嫩滑，啲汁撈飯真係好好食！兩個餐都加15蚊要做食療拿杯湯，啲靚湯放入杯入面，好易飲。