可可豬海南雞專門店 (寶榮大廈) (已結業)

今日去砲台山路經呢間 海南雞飯專門店, 佢特別係加入健康養生湯水食療元素, 喺呢一區幾受歡迎, 好多人幫襯。 我咁為食, 就買外賣返屋企試下！椰香海南雞飯外賣用紙盒盛載, 乾淨方便又環保。海南雞 採用嫩雞脂肪較少, 肉質嫩滑鮮甜多汁, 用上湯浸透散發陣陣雞油香味, 無骨啖啖肉, 配搭椰香飯, 完美組合！日式胡麻醬手撕雞冷麵有生菜絲、青瓜片、手撕雞加上日式冷麵。清新爽口, 天氣悶熱, 當沙律冷盤食健康有益, 加上日式胡麻醬, 更加滋味！鹵水雞腎、養生秋葵套餐我追加小食。鹵水入味唔係死鹹, 雞腎爽口。秋葵新鮮有益養生, 黏嘴無滑潺潺感覺！食療拿杯湯、羅漢果茶自家炮製食療湯水, 每天不同很有家的感覺。羅漢果茶加入杞子, 冰甜潤喉, 生津解渴, 明目養顏！養生之選！