BnR (已結業)

荃灣越嚟越多新餐廳，最近天氣涼返少少，想食熱騰騰嘅湯麵，就試吓呢間餐廳先。餐廳應該係主打鮮魚同雞湯，不含味精，我哋就揀咗雞湯試試。花膠雞淮山麵 $82本來擔心個湯好鹹好重口味，但佢係淡淡的雞湯味，甜甜的唔會過份濃厚。淮山麵比較幼身，口感幾特別。藥膳雞淮山麵 $73湯底多咗一份藥材香氣，雞肉嫩滑，雞皮好好食😝😝炸蜜瓜奶 $48比較少見呢款小食，外層係薄薄一層嘅酥脆，包裹住微甜既蜜瓜奶，好似食緊甜品咁。