M Kitchen (已結業)

今日去左荃灣千色匯食lunch，見到呢間餐廳都幾多人排隊，就try try佢。我哋嗌左原個蕃茄濃湯安格斯牛肉烏冬、凱撒沙律配三文魚同炸洋蔥圈。原個蕃茄濃湯安格斯牛肉烏冬抵食兼且份量十足，湯底係非常之濃厚嘅蕃茄味，加埋原個已經去皮既蕃茄，酸酸地幾開胃。呢個價錢黎講，安格斯牛肉都算唔錯，而且配搭上大量嘅蔬菜，加埋彈牙嘅烏冬，食完好有飽肚感，仲幾健康添。凱撒沙律配三文魚，三文魚有咸香，蔬菜新鮮。三文魚同沙律呢個係不敗既配搭，調味亦恰到好處。炸洋蔥圈大大份，口感脆卜卜，好邪惡。