Bingo Juice Bar (已結業)

呢間係我既心水外賣店，雖然鋪細細，位置唔多起眼，但係都好多人幫襯。其中最喜歡佢既沙律，用料新鮮，醬汁好味，特別係南瓜沙律，淋淋既南瓜加上少少既香草，勁好味。不過尋日去到已經賣晒，所以揀咗煙三文魚縲絲粉，三文魚都好新鮮，份量亦唔少。仲有幾款醬比你楝：千島、意大利、honey mustard。推介：honey mustard。其實唔落都已經好好味！另外再要一個例湯（+5蚊就有！），今次係南瓜湯，勁重南瓜味，正！。平時多數都係雜菜湯，無肉既，味較淡，但勝在夠健康。跟住再加多個細生果盒（都係+5蚊），個盒有芒果、奇異果、提子、火龍果、梨等，好新鮮架！其實可以揀大盒ｄ既生果（都係多幾蚊雞），不過已經好飽。呢間鋪似係家庭生意，所以佢地個個都好合作，而且非常快手同有禮貌，價錢唔貴，值得推介，所以我係中環返工都會行過黎幫襯。