Pokéworld (已結業)

Poke bowl 一路聽人講左好多次，今次終於自己試一次。嚟到呢間細細地嘅餐廳仔，入邊所有店員都係外國人，有少少似某連鎖美式潛艇堡品牌。呢度可以自己選擇個base要幾多沙律、蕎麥面、壽司飯，好適合嗰啲戒澱粉質黎減肥嘅人。有時間可以選擇自選組合，趕時間亦都可以揀呢度set好咗嘅signature dish。都算係幾周到。有啲驚喜喺呢度細細間鋪，竟然個幾企理嘅廁所。我就揀咗半菜半蕎麥面，要三文魚同埋吞拿魚，另外加咗$8要edamame。要左沙律醋，但係食落唔覺有味，如果再酸甜啲就好啦。呢度午市可以加$3要個麵豉湯，店員竟然收緊錢嗰係我面前用粉沖個湯俾我，有少少搞笑。呢度大部份人都係買外賣，所以中午時間都幾多位坐。下午茶好似都幾抵食，下次試下星期六黎先。