營然 (已結業)

上次係炮台山食完飯，無意中經過呢間餐廳，好似幾健康咁。今次就同朋友嚟試下，叫咗幾款一齊share～手撕雞飯+飲品，是日老火湯：南瓜雪耳甘荀豬展湯，娃娃菜手撕雞幾大份，仲有啲青瓜絲、紅蘿蔔絲咁，部分雞肉有些少韌。老火湯好好好好大碗，飲落個味好濃，真係幾足料！香菇粟米豬肉餃子併韭菜豬肉餃子每款有5隻，隻隻都好大粒，個皮唔會太厚👍🏻都有啲肉汁，唔會好乾，食落感覺都幾健康，無味精味。呢到嘅飲品都好健康，叫咗無花果雪梨蘋果茶同埋檸檬薏米水，最近咁乾燥要補下潤下😁