鴻福堂

營業中

休息中

呢排天氣好反覆，令個人又攰又乾，皮膚又缺水，嘴唇有爆坼，我呢啲無飯主婦，真係好需要飲多啲湯水補一補返，所以今日放工即刻去呢度買咗兩包湯做外賣，同老公一人一包。返到屋企只要稍微加熱，就可以即刻飲用，每包嘅份量好充足，有差唔多一大個湯碗嘅份量，我飲唔晒，仲留返起半碗，第二日中午再飲，真係抵！講返碗湯嘅味道，材料充足，味道好好飲，最緊要嘅係我覺得佢嘅味精應該唔多，因為我係好敏感嘅人，食咗重味精會皮膚紅腫，但係飲咗呢間嘅湯都冇事，以後一年四季都唔使怕冇湯水飲啦！