德麗食店 (已結業)

近期多咗買外賣 周圍搵好味又抵食嘅兩餸三餸飯 有啲係勁鑊氣 又油又炸 講真係好香口 不過食多幾次喉嚨就唔舒服 有晚經過呢間小店 比較晏少少 剩下啲選擇唔多 就隨便揀兩餸+湯 心諗無乜要求 乾淨簡單就一餐 第一口感覺佢哋啲食物都是偏清淡 真正係少油少鹽 但是食物本身啲鮮味就出晒嚟 雞扒入味唔油膩 滷水蛋雞肶 味道啱啱好 蒸水蛋非常嫩滑 老火湯日日不同 清甜 舒服潤喉清淡的煮法 帶住濃郁的住家味 完全無味精 老闆夫婦誠懇的人情味 食完餐飯 唔止係醫肚 你係感到好開心 完全唔洗左揀右揀 想食住家飯 我一定揀佢哋 佢哋都好受呢區啲學生街坊歡迎 老闆 你要繼續煮俾我哋食啊😋😋😋🧡