草民 (已結業)

同閨蜜去尖沙咀睇戲, 睇完戲有啲餓, 諗住去cafe坐下, Openrice見到呢間cafe近近哋, 睇落個環境又好舒服, 就嚟左啦~佢個地址寫喺厚福街, 我哋平時都會去呢條街食野, 但一直都冇留意兩旁嘅商業大廈原來都好多野食, 遲啲試埋其他先😍上到嚟草民, 見到除左近門口有位, 其他鋪左草地嘅位置都坐滿左人, 我哋坐低左之後就全間cafe都坐滿人啦~我哋兩個都食唔到好多野,所以就點左一個車仔飯加一個甜品share食。好有心思嘅menu, 車仔飯有好多選擇😍我哋揀左慢煮雞胸+ 南瓜+粟米+日本蕃薯+菠菜糙米飯+蜜糖芥末醬😇跟餐包一杯熱玄米茶同一份甜點。賣相好吸引, 好健康嘅感覺, 玄米茶好大杯~雞胸有落少少調味, 南瓜好稔, 日本蕃薯好甜,有少少煙韌嘅口感, 蜜糖芥末醬點雞胸, 沙律菜或者菠菜飯食都好夾。跟餐甜品係一片朱古力蛋糕, 味道有啲咸, 似細個食嘅莎莉蛋糕😂甜品其實食先過車仔飯, 因為我哋話可以一齊上, 忘記左佢入面有雪糕, 好彩問一問店員😂呢個甜品好玩又好食, 叫做爆脆草地滾球。用綠茶crumble整成草地嘅感覺, 爆炸糖扮泥, 米紙做嘅蝴蝶停喺朱古力波波。 用槌仔扑開個朱古