吉吉點 (已結業)

自從屋企樓下酒樓執咗粒, 已經好耐無食過點心了. 今日同朋友偶然經過觀塘呢間吉吉點就入去食下, 估唔到比我地搵到間好野!我自己好怕食點心好油膩, 同埋而家好多點心都加咗好多味精同糖, 搞到好甜同埋食完好口渴, 但呢間D點心都幾真材實料, 完全食唔出有味精亦都無口渴, 真心值得推介.雖然點心選擇唔夠酒樓多, 但勝在每樣都好味.老火湯足料好夠味, 份量夠晒兩個人飲.燒賣大大粒, 豬肉同埋蝦都好爽口彈牙.濃湯浸時蔬 - 呢個濃湯d湯仲好味過老火湯, 我地直情拎黎飲, 哈哈.佢係奶白色雞湯, 用黎煮菜同埋菇好正, 夠晒味!蝦腸 - 腸粉皮好滑, 而且餡料好多好新鮮, 用料唔會姑寒, 每一舊好晒裏面都有大大粒蝦肉係裏面. 正!最可惜佢離我屋企都幾遠, 不過放假得閒都會黎捧下場