一汁一菜 (太古廣場三座)

營業中

休息中

收工唔想食得太heavy，食個簡簡單單嘅晚餐。呢間喺金鐘嘅一汁一菜，喺正寫字樓樓下，方便一眾打工仔，佢售賣日式嘅外賣定食，選用嘅係日本米飯，而每一款菜式同湯品都好精緻有特色。北海道產甜粟米雞肉豆乳濃湯 + 自家制野菌醬燒和牛漢堡扒+ 米飯味道香濃，唔會太過稀，十分之甜，而且十分足料，除左雞肉之外，勁多甜粟米粒，仲有大量蔬菜配料，好均衡健康。和牛漢堡十分鬆軟，而且好香牛味，醬汁香甜，配埋漢堡一齊食十分之夾。呢度米飯除左香軟之外，其中一個特色就係灑上芝麻，食落口更加香。高麗菜野菌豆乳濃湯+ 南蠻風味雞扒+ 米飯豆乳濃湯真係好多料，同樣唔會太過稀，啖啖都係野菌同蔬菜，而且十分香滑。南蠻風味雞扒好有特色，除左雞扒軟滑，個汁甜甜酸酸，超級開胃。