康本膳

營業中

休息中

今日去開凱匯搵朋友，去咗幾次裕民坊，都唔知佢原來三樓有休戲平台，仲有幾間餐廳。趁未夠鐘先去食個lunch. 見到有間新開張，格局清幽，環境舒服舒服嘅中餐廳。入去試試，開頭以為會有點貴，見到餐牌同茶餐廳差唔多。試咗個菜芯獅子頭，簡直不得了，有驚喜。送飯一流。仲包埋個紅棗茶同埋，唔知係咪新開張，老闆送咗個例湯，抵讚。個擺盤同埋賣相直頭似高級嘢，睇得出擺盤有心思，個湯清得嚟好潤，夠味冇味精，有機會再試埋其他。