植作茶

營業中

休息中

本身好少飲手搖飲料，今次陪女朋友飲就叫佢揀啲健康少少嘅黎飲😂 植作茶主打天然食材，用上紫米茶、紅豆茶等外面較少見嘅茶底。我揀左紅豆茶鮮奶小芋圓少糖少冰，另一杯就係桃膠蜂蜜玫瑰紫米茶微冰。 我幾鍾意我杯紅豆茶鮮奶小芋圓，因為係植物茶始終會被其他茶飲少左份人工香味，但係keep到份鮮味，同埋啲芋圓個size啱啱好，亦都有咬口。啱曬我呢啲唔鍾意太甜嘅人。大家都知桃膠對身體好，呢杯桃膠蜂蜜玫瑰紫米茶有少少似紫貝天葵同洛神花茶嘅感覺，但係就多左玫瑰嘅香味。整體黎講植物茶好適合想口痕飲甜野但又想健康嘅人士！但係我地今次黎發現佢地生意麻麻地，希望大家可以支持下💛