Farmer's Cooking (已結業)

餐廳主打健康有機食材，店入面有唔少自家製產品，例如黃薑粉、肥皂等。呢日食左個午餐，價錢雖然小貴，但質素的確唔錯，有素湯加健康飲品無限供應，對於好少飲住家湯水嘅打工仔黎講都幾正！呢日嘅湯係蘋果煲魚翅瓜，特飲就係薑茶！朋友叫左個蕃茄意粉，味道好香，加埋香草，都幾野味！睇外表仲驚會淡，估唔到咁有驚喜～自己就叫左溫泉蛋肉醬飯，蛋汁加肉醬汁好夠味，唔似茶餐廳嘅肉醬咁油，配埋紅米飯，食落幾健康！唔好以為份量少，當你飲完碗湯，食個飯，再飲埋杯茶，絕對係好飽！