樂湯雞麵館 (登龍街) (已結業)

呢幾日天氣轉涼，夜晚同朋友去銅鑼灣食飯，周圍凍冰冰，見到有間舖招牌係熱辣辣嘅雞湯，就入左食。店員推介二人餐，我哋睇過餐牌的確係抵啲，就叫左個二人餐，再另外加個椰子雞湯。涼拌海蜇手撕雞呢個前菜一啲都唔馬虎，新鮮紅蘿蔔、青瓜切成幼長絲，配埋清涼爽口海蜇，以及手撕雞食好開胃。雲腿浸娃娃菜娃娃菜份量比想像中多，煮得啱啱好，調味適中，食落唔會好咸。砂鍋花膠雞湯翅重點嘅招牌菜用砂鍋上，半隻雞嘅表面舖滿大片花膠，花膠爽口彈牙，雞肉食落鮮嫩香滑，肉汁豐富，嗰湯亦都係精華所在，有翅入口之餘，亦唔會好油膩，非常好喝。鮑汁瑤柱冬菇飯呢個飯非常足料又夠香，加埋雞場食非常夾。藥膳湯刀削麵刀削麵麵質滑身，唔會煮得太淋，藥膳湯香濃，喝得出用足料。椰子雞湯椰子雞湯充滿椰香，而且有好多湯料，飲落好清香，感覺輕盈。餐廳嘅湯全部都真材實料，喝完完全唔會有口渴或者重味精嘅感覺，的確係絕無添加，我下次有機會一定會再去。