Mamma Mia Gelato

營業中

休息中

食雪糕都可以冇罪惡感😈無添加意大利雪糕，無加入額外脂肪，每日新鮮製造。Premium Gelato更係無糖無脂肪的雪糕，從糖提煉出嚟嘅天然甜味並非一般代糖，所以糖尿病、血糖高、對奶敏感及任何人士都可食用🐷今次揀咗雙球配cone 🐷👓榴槤雖然就咁聞係冇乜味，但入口榴槤嘅香臭味相當濃郁，口感軟滑好creamy，最鍾意係唔太甜！好明顯甜度係低過平時所食嘅雪糕，不過佢嘅甜度又剛剛好喎！👓開心果呢款同樣非常驚喜好好食，好明顯食到一種堅果嘅果香味，唔可以好精準咁講得出佢係開心果味，但你會食得出有種堅果味，而且同樣非常欣賞佢唔太甜！👓冧酒提子包含哂冧酒嘅酒香同提子嘅甜味，相比下呢款味道反而比其他口味甜少少，想食甜啲嘅可以揀👓Tiramisu 味道反而唔太真係似平時食開嘅甜品tiramisu，由於唔太甜所以比較似咖啡味，而且欠缺左少少酒香同可可味。