菓一道健康餐廳 (已結業)

菓一道健康餐廳系由朋友介紹得知呢間餐廳，當時未搬到中港城就開始幫襯啦，依家響公司樓下，所以周不時都會過來食，當時每食一次就一個印花，儲夠10個就有張VIP卡，堂食免加一，拎走有9折，不過12點半前埋單都有9折，健康又划算。唔好以為健康餐D味道就差D，其實色香味俱全，而且唔會覺得有味精，每個餐都有好多菜，好適合食肉食齊嘅朋友一齊食飯。琴日幾個同事又去食啦，餐廳經常換，所以經常食都唔會悶。有個同事點左蔥燒蜜汁板煎鯖花魚柳配有機三色米飯，唸住會有腥味，試一試估唔到加左檸檬汁之後食起來更鮮。另外，不得不介紹佢果樽自製辣椒，唔食得辣嘅我，次次來襯都會加一小匙，佢D辣椒係辣中帶濃郁嘅香味，聞一聞都覺得好爽，更係我D食得辣嘅同事嘅至愛。