Chill 輕食300kcal

營業中

休息中

琴晚同班老友食得太油膩同重口味，今日想食番健康D ，無意中發現左呢間以健康餐為主嘅餐廳，佢地嘅食物主打優質蛋白、低脂低卡，仲有素食餐單選擇！今次試左個素牛小排配沙律 $98，個SET 包含1支好好飲嘅優質蛋白杯（有8款口味可選)，我就揀左曲奇味，完全無平時健身蛋白粉D怪味，餐廳加埋仙草凍，飲落似平時D 台式飲品咁好飲，但都唔夠100卡路里。然後到主食，素牛小扒好好食，口感同味道唔會覺得食緊豆皮，十分推介！其他食材都睇得出餐廳嘅認額製作！每樣食物都處理得唔錯。重點係，成盒食完係好飽肚，但都只係200卡路里。最後飲埋支零卡路里得嚟清新嘅排毒茶，簡直係無懈可擊，非常適合附近想食得健康嘅上班一族。