蒲八餐室 (已結業)

最近假日都會去鴨脷洲大街食飯，附近兩間西餐廳都比較旺同多人，但排雞，漢堡，牛排或焗飯，真係唔敢成日食。有一次試下去蒲八望下，見環境唔錯，睇下門口餐牌都覺得啱食，主要係食意大利粉同意大利飯，味道傾向清淡，素食。於是走入去試下，試過之後，依家假日多數都去呢間啦！今日都好似平時咁兩個人食，一個意大利粉，一個意大利飯套餐，一壺Earl Grey, 一杯咖啡，如加$5可再添茶，加$16有一個湯，蒜蓉包同沙律或粟米粒。清清淡淡一餐啱哂我地啲追求健康嘅人。落地玻璃，一路食，一路望住街外，視野廣闊，好寫意。