Poking

以前住中西區有幫襯開嘅Poking原來八月頭喺銅鑼灣開咗分店，新店比上環總店更大更舒適而且仲有啲打卡位添，附近打工仔又多個地方食飯啦. 近日食咗咁多好嘢係時候清清地健康啲啦～除咗幾份固定口味，適合可以自行選擇配料、醬汁、主食等.食材新鮮高質選擇多元化，份量大夠飽，健康減脂高蛋白高營養. 飲品有咖啡、乳酪特飲、乳清蛋白飲品、梳打、養生茶及冷泡茶等. ⭐️Salmon the classic 呢款經典係我至愛，有齊三文魚、牛油果、青瓜、蔥花、檸檬、芝麻配自製醬油，健康好味又清新. 糙米飯. 跟餐配$10可以選指定飲品，我就揀咗個冷泡菠蘿紅茶，茶底香濃又充斥着菠蘿嘅香甜. ⭐️Popeye punch 呢個比較清淡，有慢煮雞胸肉、豆腐、西蘭花、雜錦香菇、芝麻配日式照燒醬. 豆腐超綿滑，雞肉軟腍，西蘭花夠清爽. 煮食嘅糙米飯加沙律菜，兩樣都有夠多元化. ⭐️京都焙茶高蛋白飲呢個要另叫冇得跟餐. 焙茶味嘅Protein drinks 真係第一次飲. 另有抹茶口味可選擇. 呢個真係啱晒做gym人士. ⭐️自製雞胸小丸子啖啖肉勁嫩滑，配埋醬汁令人食到停唔到口. 呢個小食食多多都冇邪惡感.