影片
更多
2015-10-08
433 瀏覽
明天放假，今晚放工後梗係要出去食下野吹下水，不用急住回家休息啦。同朋友黎左觀塘工廈揾食，一早book定枱食個主打慢煮嘅西餐先。工廈地點不易找，好彩朋友喺觀塘區返工，原來喺正大街上面，又ok喎，落左地鐵行多十分鐘左右就到。店內環境優靜，點上一個小蠟燭份外有情調。坐低不久店員遞上呢個頭盤小食，佢話有訂枱就有，每天不同款，是晚係青口配上沙沙汁，酸酸地幾清新。點了五道菜的餐，$368一位，有頭盤，餐湯，意粉，主菜，甜品同餐飲，頭三樣都有兩款揀，啱啱好同朋友叫每人一樣share食。而主菜則有五款，甜品有三款，好快就揀到自己心水。先來頭盤，新鮮芒果蝦沙律配煙挪威三文魚和慢煮紅菜頭，鮮甜芒果配大蝦好清新，紅菜頭意外地有口感，好味呀。另一個頭盤，雜凍肉碟配慢煮蘋果和季節性沙律菜黑醋汁，賣相靚靚，估唔到煮過嘅蘋果依然爽脆甜，澄金黃色，真係又靚又好味。自家製餐包，鬆軟又有麥香。野菌忌廉湯，朋友點了呢款，菇味濃郁，飲落粒粒菇茸。蕃茄清湯，蕃茄味勁濃得黎真係睇唔到一粒雜質，好清完全無油。聽師傅講話呢個好多功夫，超碼要預備兩日，而加好少餐廳會做，蕃茄fans嘅我就大愛了！飲完餐湯就上pasta，開頭仲驚食唔哂，
工廈地點不易找，好彩朋友喺觀塘區返工，原來喺正大街上面，又ok喎，落左地鐵行多十分鐘左右就到。
店內環境優靜，點上一個小蠟燭份外有情調。
坐低不久店員遞上呢個頭盤小食，佢話有訂枱就有，每天不同款，是晚係青口配上沙沙汁，酸酸地幾清新。點了五道菜的餐，$368一位，有頭盤，餐湯，意粉，主菜，甜品同餐飲，頭三樣都有兩款揀，啱啱好同朋友叫每人一樣share食。而主菜則有五款，甜品有三款，好快就揀到自己心水。
先來頭盤，新鮮芒果蝦沙律配煙挪威三文魚和慢煮紅菜頭，鮮甜芒果配大蝦好清新，紅菜頭意外地有口感，好味呀。
另一個頭盤，雜凍肉碟配慢煮蘋果和季節性沙律菜黑醋汁，賣相靚靚，估唔到煮過嘅蘋果依然爽脆甜，澄金黃色，真係又靚又好味。
自家製餐包，鬆軟又有麥香。
野菌忌廉湯，朋友點了呢款，菇味濃郁，飲落粒粒菇茸。
蕃茄清湯，蕃茄味勁濃得黎真係睇唔到一粒雜質，好清完全無油。聽師傅講話呢個好多功夫，超碼要預備兩日，而加好少餐廳會做，蕃茄fans嘅我就大愛了！
飲完餐湯就上pasta，開頭仲驚食唔哂，原來係精緻嘅雲吞。自家製墨魚汁介子海鮮雲吞配龍蝦汁，雲吞皮有嚼勁，內裏餡料豐滿，食落鮮甜美味，好正。
自家製雲吞配牛肝菌、利可他芝士和義式青醬忌廉汁，另一款雲吞，這款皮較軟身，咬下多汁軟熟，亦不錯。
朋友揀了牛，慢煮美國牛肋條配法式紅酒汁，上枱時已聞到香味，牛肋條煮得軟綿但不失口感，有點像中式的炆牛腩，滿足滿足。
自己揀了慢煮挪威三文魚柳配粉紅胡椒白酒忌廉汁，大大塊三文魚扒，賣相靚靚，一粒粒粉紅色胡椒好可愛。
切開仲係粉紅色，魚肉軟腍仍富魚油，唔似得煎三文魚扒咁鞋哂，啖啖肉好好味，推介！！
到左甜品，朋友要了傳統意大利芝士餅，一杯上再加上簡單嘅畫花。
淡淡嘅酒香，口感濕潤芝味濃，唔錯唔錯。
自己要了梳乎里，打得好靚，涼左就會縮水，要襯熱食架。甜甜的又鬆軟，好正呀！
最後大家都點了熱檸茶作結，好滿足嘅一餐呀～
張貼
