椰小盅燉湯專門店 (太古城中心)

營業中

休息中

椰小盅總店位於太子， 以前都幫襯過。自從佢係太古開分店，好方便， 我成日都會黎飲湯食飯。呢間燉湯小店既燉湯每日新鮮製作，真材實料，不加任何味精。套餐99蚊好抵食，已經包一個飯、一個燉湯，一杯飲品同甜品。搪瓷素湯好足料，有 粟米、栗子、紅蘿蔔、赤小豆、無花果、腰果。 味道清甜濃郁，我連渣都食埋，好健康。點了焦糖醋香排骨飯， 排骨酸酸甜甜，好開胃。配紫薯肉燥飯，比一般白飯更加健康，而且味道豐富。仲配咗一條蜜糖香腸台式腸, 味道正宗，惹味香濃。跟餐甜品係啫喱，囡囡超開心，大讚好好食。 我就要咗一個椰汁芋圓仙草，椰汁香甜, 入面嘅芋圓彈牙，仙草滑溜，十分高質。