Athletic Juice & Espresso Bar (已結業)

估唔到原來星街都有一間非常特別嘅果汁店。環境雖然唔大，但係去幫襯嘅客人非常多，今日weekend同太太到訪，都要等一等。呢度嘅飲品名稱非常之特別，大部份都係同運動有關。我叫咗一杯swimmer splash果汁，係用咗士多啤梨、藍莓同蘋果幾種生果混合而成，未飲嘅時候已經聞到好香嘅水果香味，好清涼好新鮮。而且每一啖都飲到果肉，係夏天消暑之選。好多女士都好追求健康，但係就少做運動亦都唔戒口，得閒過嚟星街飲番一杯健康排毒果汁，應該都可以減低唔少嘅罪惡感。