影片
更多
2021-01-24
715 瀏覽
過年前去染髮，染完頭髮都已經7點幾，趕唔切返屋企煮飯，就去咗salon附近新開嘅日式精品超市谷辰睇下有咩好食！第一次嚟呢個超市，裝修同SOGO，一田嗰啲超市唔係好同，感覺走生活品味路線，有唔少counter都喺出面唔係咁容易搵到。而我就留意到有一間主打日式手工飯糰及便當嘅『米角』。飯糰選用秋田小町米，我本身都好鍾意食秋田小町米，因為特別有米香，飯粒有黏性又不失口感。而我留意到佢哋仲用埋五穀米及黑米，均衡營養，非常健康！飯糰款式多多，但我毫不猶疑就揀咗竹筍黑胡麻溏心蛋($32)，一切開就見到流心度剛剛好嘅溏心蛋，配上加咗芝麻嘅秋田小町米，配料簡單，但味道好食！店員亦貫徹日本一向認真細緻嘅服務態度，知道我外賣返到屋企，紫菜應該已經淋晒，所以都有另外俾到獨立包裝嘅佐賀縣有明紫菜等我包飯糰，有明紫菜味道香濃，入口香脆，好欣賞呢個細心嘅安排！另一個北海道昆布伴鰹魚片飯糰($28)用上五穀米，口感煙靭豐富，不過鰹魚片份量就偏少！米角和式香料慢煮雞肉海苔五穀便當($68)雞肉用上雞胸部份，不過因為係慢煮，所以肉質都唔會好嚡口。雖然用上和式香料，不過雞肉味道都係比較清淡，適合追求健康嘅人士。五穀飯口感
而我就留意到有一間主打日式手工飯糰及便當嘅『米角』。
飯糰選用秋田小町米，我本身都好鍾意食秋田小町米，因為特別有米香，飯粒有黏性又不失口感。而我留意到佢哋仲用埋五穀米及黑米，均衡營養，非常健康！飯糰款式多多，但我毫不猶疑就揀咗竹筍黑胡麻溏心蛋($32)，一切開就見到流心度剛剛好嘅溏心蛋，配上加咗芝麻嘅秋田小町米，配料簡單，但味道好食！
店員亦貫徹日本一向認真細緻嘅服務態度，知道我外賣返到屋企，紫菜應該已經淋晒，所以都有另外俾到獨立包裝嘅佐賀縣有明紫菜等我包飯糰，有明紫菜味道香濃，入口香脆，好欣賞呢個細心嘅安排！
另一個北海道昆布伴鰹魚片飯糰($28)用上五穀米，口感煙靭豐富，不過鰹魚片份量就偏少！
米角和式香料慢煮雞肉海苔五穀便當($68)
雞肉用上雞胸部份，不過因為係慢煮，所以肉質都唔會好嚡口。雖然用上和式香料，不過雞肉味道都係比較清淡，適合追求健康嘅人士。五穀飯口感豐富，同其他配料一齊食都幾好味。
沖繩海鹽烤鮭魚伴魚子海苔五穀便當 ($88)
三文魚即點即烤，簡單灑上海鹽調味，凸顯三文魚嘅原味，伴上三文魚子嘅鹹香，整個便當健康又唔會太單調。
日式野菜蕃茄濃湯($30)
用上有機三寶樹番茄，我自己就覺得番茄味比較出，所以整個湯嘅味道都較為酸，如果加多少少調味就更好。
信州味噌昆布濃湯($30)
味道都係比較清淡，感覺好健康，如果味噌味濃郁一D會更好。
張貼
