Café&Meal MUJI (已結業)

銅鑼灣有好多餐廳，但偏偏越多餐廳比你揀就越唔識揀。所以啱啱喺Muji行完，我就諗住簡單食個日式家庭風快餐。雖然我媽媽唔係日本人，但個菠蘿雞肉沙律、什菜蒟蒻沙律、燒鯖魚、燒雞柳、穀米飯同海帶湯相信都好日系家庭味道。食物唔係令你即刻流晒口水嘅類型，但食完又令你舒舒服服，係簡簡單單一餐嘅好選擇。食完我仲坐咗好耐，係萬惡的銅鑼灣中一片小綠州。雞肉不會 tough，slow cook 嘅係唔同啲，又 juicy 又滑！沙律清新，幾 refreshing！鯖魚一啲都唔會腥，好味！識食梗係十六穀米，健康又好味！